ভাৰত-বাংলাদেশ সম্পৰ্কক লৈ আশাবাদী নৱ-নিযুক্ত বাংলা উচ্চায়ুক্ত

বাংলাদেশত শেহতীয়াকৈ নিযুক্ত হোৱা সহকাৰী উচ্চায়ুক্ত মহম্মদ জোবায়েদ হোছেনে ভাৰত আৰু বাংলাদেশৰ সম্পৰ্কক লৈ যথেষ্ট আশাবাদী বুলি মন্তব্য কৰিছে ৷

আগৰতলা, 29 ডিচেম্বৰ : বাংলাদেশ চৰকাৰে শেহতীয়াকৈ নিযুক্ত কৰা সহকাৰী উচ্চায়ুক্ত মহম্মদ জোবায়েদ হোছেনে ভাৰত আৰু বাংলাদেশৰ বাণিজ্যিক সম্পৰ্কক লৈ যথেষ্ট আশাবাদী বুলি মন্তব্য কৰিছে ৷ দুয়োখন দেশৰ বাণিজ্যিক সম্পৰ্কত দেখা দিয়া বাধাসমূহ সন্দৰ্ভত বিষয়াগৰাকীয়ে মন্তব্য় কৰে ৷ মঙলবাৰে বিষয়াগৰাকীয়ে প্ৰকাশ কৰা অনুসৰি, এই সমস্যা সমাধানত ত্ৰিপুৰাই গুৰুত্বপূৰ্ণ ভূমিকা পালন কৰিব বুলি কোৱা হৈছে আৰু ভাৰত তথা বাংলাদেশে এই সন্দৰ্ভত আলোচনাত মিলিত হোৱাৰ সম্ভাৱনা আছে ৷

ত্ৰিপুৰাত থকা বাংলাদেশৰ উচ্চায়ুক্ত কাৰ্যালয়ত নিযুক্তি পোৱা সহকাৰী উচ্চায়ুক্তগৰাকীৰ মতে, বাণিজ্যিক সম্পৰ্কত দেখা দিয়া বাধাসমূহ সন্দৰ্ভত ত্ৰিপুৰাক লৈ দুয়োখন দেশেই বাধাসমূহ আঁতৰ কৰাৰ বাবে আলোচনাত মিলিত হ’ব ৷

ভাৰত-বাংলাদেশ চেম্বাৰ অৱ কমাৰ্চে মঙলবাৰে আগৰতলাত বিষয়াগৰাকীক সম্বৰ্ধনা জনায় ৷ এই অনুষ্ঠানতে বিষয়াগৰাকীয়ে দুয়োখন দেশৰ মাজৰ বাণিজ্যিক সম্পৰ্ক সূদৃঢ় আৰু শক্তিশালী কৰাৰ ওপৰত আলোকপাত কৰে ৷

লগতে পঢ়ক : ব্ৰহ্মপুত্ৰৰ বুকুত নৌকা বিহাৰ আমেৰিকা যুক্তৰাষ্ট্ৰৰ ৰাষ্ট্ৰদূতৰ