নেশ্যনেল ডেস্ক,২৫ এপ্ৰিল : বিশ্বত কৰ'ণা মহামাৰীয়ে ভয়ংকৰ ৰূপ লোৱাৰ মাজতো অব্যাহত আছে এভাৰেষ্ট অভিযান । এই বছৰ সৰ্বোচ্চ শৃংগ অভিযানৰ বাবে অভিলেখ সংখ্যক লোকক অনুমতি দিছে নেপাল চৰকাৰে । নেপালৰ পৰ্যটন বিভাগৰ সঞ্চালক মীৰা আচাৰ্যৰ মতে এতিয়ালৈ এই অভিযানৰ বাবে নেপালে ৩৯৪ টা অভিযানকাৰী দলক অনুমতি প্ৰদান কৰিছে ।
উল্লেখ্য যে পৰ্যটন আৰু অসামৰিক বিমান পৰিবহন মন্ত্ৰালয়ে ২০১৯ চনত ৩৮১ টা অনুমতি প্ৰদান কৰিছিল । নেপাল চৰকাৰৰ এই পদক্ষেপ মাউণ্ট এভাৰেষ্টৰ সমীপত যান-জঁটৰ প্ৰতি তীব্ৰ নিৰীক্ষণ ৰাখিছে । এভাৰেষ্টৰ সংশোধিত উচ্চতা হৈছে ৮৮৪৮.৮৬ মিটাৰ । অৱশ্যে এভাৰেষ্টত যান-জঁটৰ কোনো তথ্য নাই বুলি অৱগত কৰে সঞ্চালক মীৰা আচাৰ্যই ।
কাঠমাণ্ডুৰ ছেভেন ছামিট ট্ৰেকছৰ অধ্যক্ষ মিংমা শ্বেৰ্পাৰ মতে মাউণ্ট এভাৰেষ্টলৈ আন্তৰ্জাতিক পৰ্বতাৰোহীসকলৰ উৎসাহে এভাৰেষ্টৰ প্ৰতি তেওঁলোকৰ বৰ্ধিত আবেগ আৰু প্ৰেমক দেখুৱাইছে । ই নিশ্চিতভাৱে কৰ'ণাৰ ফলত ক্ষতিৰ সন্মুখীন হোৱা নেপালৰ পৰ্যটন বিভাগক যথেষ্ট পৰিমাণে সহায় কৰিব বুলিও মন্তব্য কৰে ।
