নিউজ ডেস্ক, 27 ডিচেম্বৰ : দেশত অব্যাহত থকা কৃষক আন্দোলনত অংশগ্ৰহণ কৰা কৃষক নেতাক এইবাৰ মৃত্যু ভাবুকি দিয়াৰ অভিযোগ উত্থাপিত হৈছে ৷ এই তথ্য প্ৰকাশ কৰিছে আৰক্ষী অধীক্ষক গৱেন্দ্ৰ সিঙে ৷
গৱেন্দ্ৰ সিঙে প্ৰকাশ কৰা তথ্য অনুসৰি ভাৰতীয় কৃষক ইউনিয়নৰ নেতা ৰাকেশ টিকাইটক এজন অচিনাক্ত যুৱকে ফোন যোগে মৃত্যু ভাবুকি প্ৰদান কৰিছে ৷ এই ক্ষেত্ৰত কৌশাম্বী থানাত এক এজাহাৰ দাখিল কৰিছে ৰাকেশ টিকাইটৰ ব্যক্তিগত সহায়ক অৰ্জুন বালিয়নে ৷
লগতে গৱেন্দ্ৰ সিঙে কয়, এজাহাৰত উল্লেখ কৰা অনুসৰি অচিনাক্ত যুৱক জনে ফোন যোগে কৃষক নেতা জনক হত্যা কৰিবলৈ কিমান অস্ত্ৰৰ প্ৰয়োজন হ'ব বুলি প্ৰশ্ন কৰিছিল ৷ উক্ত এজাহাৰ ভিত্তিত আইপিচিৰ 507 ধাৰা অধিনত কৌশাম্বী থানাত এক গোচৰ ৰুজু কৰি তদন্ত অব্যাহত ৰাখিছে বুলি জানিবলৈ দিছে অধীক্ষকজনে ৷
উল্লেখ্য যে, ভাৰতীয় কৃষক ইউনিয়নৰ কৃষক সকলে 28 নৱেম্বৰ পৰাই নতুন কৃষি আইন বাতিলৰ দাবীত গাজিপুৰত অব্যাহত ৰাখিছে প্ৰতিবাদ ৷
লগতে পঢ়ক: দেওবাৰে দিনৰ 11 বজাত প্ৰচাৰ হ’ব প্ৰধানমন্ত্ৰী মোডীৰ 'মান কী বাত'
