আইজল, 29 ডিচেম্বৰ : মিজোৰামৰ ছামপাই জিলাৰ ভাপাৰ গাঁৱত মঙলবাৰে সংঘটিত হয় এক অগ্নিকাণ্ডৰ ঘটনা ৷ গাঁওখনৰ ঠাংগগাইপাওভা নামৰ লোকজনৰ বাসগৃহত মঙলবাৰে দুপৰীয়া সংঘটিত হয় এই ঘটনা ৷ ঘৰখনত থকা চাৰিজন সদস্য কৰ্মসূত্ৰে বাহিৰলৈ ওলাই অহা সময়তে সুত্ৰপাত হয় এই অগ্নিকাণ্ডৰ ৷
এই ঘটনাৰ খবৰ লাভ কৰিয়েই তাৎক্ষণিক ভাৱে ঘটনাস্থলীত উপস্থিত হয় দুৰ্যোগ প্ৰশমন বিভাগৰ লগতে উদ্ধাৰকাৰী দল ৷ কিন্তু ইয়াৰ পূৰ্বেই এই বিধ্বংসী অগ্নিকাণ্ডত বাসগৃহটোত থকা প্ৰায় 5 লক্ষাধিক টকাৰ সা-সম্পত্তি ভষ্মীভূত হয় ৷
লগতে পঢ়ক: পথ দুৰ্ঘটনাত থিতাতে নিহত বাইক আৰোহী
