নেশ্যনেল ডেস্ক,১৮ নৱেম্বৰ : 'হিন্দুত্ব' (Hindutva) আৰু 'হিন্দু' (Hinduism) শব্দ দুটা সম্পৰ্কে জ্যেষ্ঠ কংগ্ৰেছ নেতা শশী থাৰুৰে (Shashi Tharoor) আগবঢ়ালে বিশেষ মন্তব্য । ইটিভি ভাৰতৰ (ETV Bharat) সৈতে হোৱা সাক্ষাৎকাৰত নেতাগৰাকীয়ে কয় যে দুয়োটা ধাৰণাই পৃথক । অৰ্থাৎ এটাই ধৰ্ম আৰু আনটোৱে ৰাজনীতিক প্ৰতিনিধিত্ব কৰে ।
'প্ৰাইড, প্ৰিজুডিচ এণ্ড পণ্ডিত্ৰী' (Pride, Prejudice and Punditry) নামৰ তেওঁৰ এখন নতুন কিতাপ মুকলিৰ সময়ত শশী থাৰুৰে কয় যে, হিন্দু ধৰ্মৰ বিষয়ে তেওঁৰ ধাৰণা হৈছে এটা ধৰ্মৰ সম্পূৰ্ণ ব্যক্তিগত ধাৰণা যিটো আপোনাৰ নিজৰ সত্য বিচৰা আৰু আপুনি শেষত নিজৰ ভিতৰতে ইয়াক বিচাৰে । ব্যক্তিগত সত্যৰ ধাৰণাটোত মূলতঃ এক স্বীকৃতি অন্তৰ্ভুক্ত থাকে যিটোৱে বুজাই যে আন লোকৰ পৃথক সত্য থাকিব পাৰে আৰু আপুনি তাক সন্মান কৰিব লাগিব । পাৰ্থক্যৰ গ্ৰহণযোগ্যতা হিন্দু ধৰ্মৰ বাবে মৌলিক ।
তেওঁ লগতে কয় যে হিন্দুত্বৰ ক্ষেত্ৰত আকৌ ই বহুত বেলেগ । এইটো এটা ৰাজনৈতিক আদৰ্শ । ইয়াত কোৱা হৈছে যে বেদন্তৰ এক উৰ্ধগামী, সামগ্ৰিক, ৰাজকীয় ধাৰণাৰ পৰিৱৰ্তে, আপোনাৰ 'হিন্দুত্ব' আছে যি 'হিন্দুধৰ্ম'ক পৰিচয়ৰ মাজলৈ আনে । তেওঁৰ মতে এনে ধৰণৰ কথা হিন্দু নহয় বা ই হিন্দু ধৰ্ম নহয় ।
'হিন্দুত্ব' আৰু 'হিন্দুধৰ্ম' শব্দৰ পাৰ্থক্য ব্যাখ্যা কৰি কংগ্ৰেছ নেতাগৰাকীয়ে কয় যে ধৰ্মৰ ৰাজনীতিৰ সৈতে কোনো সম্পৰ্ক নাই আৰু ৰাজনীতিৰ ধৰ্মৰ সৈতে কোনো সম্পৰ্ক থাকিব নালাগে । তেওঁৰ মতে ধৰ্ম হৈছে আধ্যাত্মিকতাৰ অন্বেষণৰ বিষয় আনহাতে ৰাজনীতি আজিৰ পৃথিৱী আৰু আজিৰ সমাজত মানুহৰ বাবে কেনেদৰে উন্নত জীৱন সৃষ্টি কৰিব পাৰি তাৰ বিষয় । আমাক এনে লোকে শাসন কৰে যিয়ে ৰাজনীতিক সকলোতে অন্তৰ্ভুক্ত কৰিব বিচাৰে । তেওঁৰ মতে সেয়া ভুল ।
থাৰুৰে অভিযোগ বৰ্তমান শাসকীয় দলে আন ধৰ্মৰ লোকসকলৰ বিৰুদ্ধে 'হিন্দুত্ব' শব্দটো ব্যৱহাৰ কৰিবলৈ চেষ্টা কৰি আছে । থাৰুৰে দৃঢ়তাৰে কয় যে হিন্দুত্ব এটা অতি বিভ্ৰান্তিকৰ শব্দ কিয়নো ইয়াত বিশেষকৈ হিন্দু বুলি একো নাথাকে । তেওঁৰ মতে স্বামী বিবেকানন্দই (Swami Vivekanand) যি হিন্দু ধৰ্মৰ কথা শিকাইছে তাৰ হিন্দুত্বৰ সৈতে কোনো সম্পৰ্ক নাই । তেওঁ দাবী কৰা মতে হিন্দুত্ব হৈছে এক ৰাজনৈতিক আদৰ্শ ।
তেওঁৰ অভিযোগ বৰ্তমানৰ চৰকাৰে ইয়াক আন ধৰ্মৰ লোকসকলৰ বিৰুদ্ধে এটা অতি তীক্ষ্ণ অস্ত্ৰ হিচাপে ব্যৱহাৰ কৰি আছে । কিন্তু হিন্দু ধৰ্মই আমাক সেইটো নিশিকাই । সেয়ে তেওঁ বৰ্তমানৰ চৰকাৰক লক্ষ্য কৰি কয় যে যদি তেওঁলোকে নিজকে 'সংঘ পৰিয়াল' (Sangh Parivar)ৰ বুলি কয় আৰু হিন্দুত্বৰ সলনি 'সংঘী ধৰ্ম'(Sanghi dharm)ৰ কথা কয় তেন্তে ই উৎকৃষ্ট হ'ব ।
শেহতীয়াকৈ কৌতুক অভিনেতা বীৰ দাস (Vir Das) আৰু অভিনেত্ৰী কংগনা ৰাণাৱটে (Kangana Ranaut) কৰা মন্তব্যক লৈ বিতৰ্কৰ সৃষ্টি হৈছে । এই বিতৰ্কৰ বিষয়ে সোধাত তেওঁ কয় যে বীৰ দাসৰ মন্তব্য তেওঁৰ বাবে গ্ৰহণযোগ্য কিন্তু কংগনা ৰাণাৱটে কোৱা কথাবোৰত তেওঁ আচৰিত হৈছে । তেওঁৰ মতে ইতিহাস সম্পৰ্কে কোনো মন্তব্য কৰাৰ পূৰ্বে ইতিহাস পঢ়ি ল'ব লাগে ।
আনহাতে যিসকলে ভাৰতক লৈ উন্নত দেশৰ সপোন দেখে তেওঁলোকৰ কথা শুনিব লাগে । তেওঁলোকৰ সৈতে বহু লোক অসন্মত হ'ব পাৰে । কিন্তু মুক্ত গণতন্ত্ৰত তেওঁলোকৰ মতামত প্ৰকাশ কৰাৰ সকলো অধিকাৰ আছে ।
থাৰুৰে তেওঁৰ নতুন কিতাপখনৰ বিষয়ে উল্লেখ কৰি কয় যে চৰ্দাৰ বল্লভভাই পেটেলে এক ৰাষ্ট্ৰীয় আবেগক প্ৰতিনিধিত্ব কৰে আৰু নৰেন্দ্ৰ মোডীয়ে গুজৰাটী মূলক প্ৰতিনিধিত্ব কৰে । বৰ্তমান "মোডী-এজ-লেটাৰ-ডে-পেটেল" বাৰ্তাটো বহু গুজৰাটীৰ মুখত শুনিবলৈ পোৱা যায় । সাংসদ গৰাকীয়ে লগতে কয় যে নৰেন্দ্ৰ মোডীয়ে নিজকে চৰ্দাৰ বল্লভভাই পেটেলৰ আদৰ্শৰে অনুপ্ৰাণিত বুলি ক'লেও দুয়োগৰাকীক একেলগে থিয় কৰাব নোৱাৰি ।
কাৰণ চৰ্দাৰ পেটেল সঁচাকৈয়ে ভাৰতীয় ঐক্যৰ মহান ব্যক্তি আছিল, প্ৰকৃততে গুজৰাটৰ এগৰাকী মহান ব্যক্তি আৰু এগৰাকী মহান জাতীয়তাবাদী নেতা আছিল । কিন্তু মোডী হৈছে সেই গৃহমন্ত্ৰীসকলৰ পাছত যিয়ে আৰ এছ এছক নিষিদ্ধ কৰিছিল । সেয়ে দুয়োগৰাকীকে তুলনা কৰা উচিত নহয় বুলি শশী থাৰুৰে উল্লেখ কৰে ।
লগতে পঢ়ক:Controvercial Kangana : গান্ধীজীৰ অহিংস নীতিক তাচ্ছিল্য মনিকৰ্ণিকাৰ নায়িকাৰ
