Senthil Balaji dismiss: তামিলনাডুৰ মন্ত্ৰী থিৰু ভি চেন্থিল বালাজীক মন্ত্ৰীত্বৰ পৰা বৰ্খাস্ত

ৰাজ্যপালৰ নিৰ্দেশত তামিলনাডু চৰকাৰৰ মন্ত্ৰী থিৰু ভি চেন্থিল বালাজীক মন্ত্ৰীত্বৰ পৰা বৰ্খাস্ত ৷ কেইবাটাও অপৰাধমূলক গোচৰত ন্যায়িক জিম্মাত আছে চেন্থিল বালাজী ৷

নেশ্যনেল ডেস্ক, 29 জুন: তামিলনাডুৰ ডি এম কে (DMK) চৰকাৰৰ মন্ত্ৰী থিৰু ভি চেন্থিল বালাজী (Thiru V.Senthil Balaji) তাৎক্ষণিকভাৱে মন্ত্ৰীত্বৰ পৰা বৰ্খাস্ত ৷ ৰাজ্যপাল আৰ এন ৰবিয়ে (RN Ravi) জাৰি কৰিছে এই নিৰ্দেশনা ৷

• Tamil Nadu Governor R.N. Ravi has dismissed Minister V. Senthilbalaji from the Council of Ministers from immediate effect: Raj Bhavan, Chennai @THChennai pic.twitter.com/2oX8444I3t

  — Dennis S. Jesudasan (@DennisJesudasan) June 29, 2023 " class="align-text-top noRightClick twitterSection" data="

  Tamil Nadu Governor R.N. Ravi has dismissed Minister V. Senthilbalaji from the Council of Ministers from immediate effect: Raj Bhavan, Chennai @THChennai pic.twitter.com/2oX8444I3t

  — Dennis S. Jesudasan (@DennisJesudasan) June 29, 2023

  ">

  Tamil Nadu Governor R.N. Ravi has dismissed Minister V. Senthilbalaji from the Council of Ministers from immediate effect: Raj Bhavan, Chennai @THChennai pic.twitter.com/2oX8444I3t

  — Dennis S. Jesudasan (@DennisJesudasan) June 29, 2023

চেন্নাই ৰাজভৱনৰ পৰা জাৰি কৰা বিবৃতিত অনুসৰি, ‘‘মন্ত্ৰী থিৰু ভি চেন্থিল বালাজী চাকৰি প্ৰদানৰ নামত উৎকোচ লোৱা, ধন সৰবৰাহ কৰা আদি কেইবাটও অপৰাধমূলক গোচৰত বিচাৰ প্ৰক্ৰিয়াৰ সন্মুখীন হৈ আছে ৷ এজন মন্ত্ৰী হিচাবে তেওঁ তেওঁৰ পদবীৰ অপব্যৱহাৰ কৰি তদন্ত প্ৰক্ৰিয়া প্ৰভাৱিত কৰি আহিছে আৰু আইন আৰু ন্যায়ৰ যথাযথ প্ৰক্ৰিয়াত বাধা প্ৰদান কৰি আহিছে । ’’

বিবৃতিত লগতে কোৱা হৈছে, ‘‘বৰ্তমান তেওঁ প্ৰৱৰ্তন সঞ্চালকালয়ৰ দ্বাৰা তদন্ত কৰি থকা এটা অপৰাধমূলক গোচৰত ন্যায়িক জিম্মাত আছে ৷ দুৰ্নীতি প্ৰতিৰোধ আইন আৰু ভাৰতীয় দণ্ডবিধিৰ অধীনতো তেওঁৰ বিৰুদ্ধে আৰু কিছুমান অপৰাধমূলক গোচৰৰ তদন্ত আৰক্ষীয়ে কৰি আছে ৷ আশংকা কৰা হৈছে যে থিৰু ভি চেন্থিল বালাজী মন্ত্ৰী পদত থাকিল যথাযথ তদন্ত প্ৰক্ৰিয়াত বাধা আহিব পাৰে আৰু নিৰপেক্ষ তদন্ত বিঘ্নিত হ’ব পাৰে ৷ এনে পৰিস্থিতিৰ প্ৰতি লক্ষ্য ৰাখি মন্ত্ৰীত্বৰ পৰা থিৰু ভি চেন্থিল বালাজী তাৎক্ষণিকভাৱে কাৰ্যকৰী হোৱাকৈ বৰ্খাস্ত কৰা হৈছে ৷’’

অৱশ্যে, জনসাধাৰণৰ দ্বাৰা নিৰ্বাচিত মন্ত্ৰী এজনক বৰ্খাস্ত কৰাৰ অধিকাৰ ৰাজ্যপাল এজনৰ আছে নে নাই সেই সন্দৰ্ভত এতিয়া উত্থাপন হৈছে প্ৰশ্নৰ ৷ ইফালে, মুখ্যমন্ত্ৰী ষ্টালিনে চেন্থিল বালাজীক বৰ্খাস্ত কৰাৰ সন্দৰ্ভত প্ৰতিক্ৰিয়া ব্যক্ত কৰি কয় যে ৰাজ্যপালৰ এজন মন্ত্ৰীক অপসাৰণ কৰাৰ ক্ষমতা নাই । আমি এই বিষয়টো আইনীভাৱে মোকাবিলা কৰিম বুলিও মুখ্যমন্ত্ৰীগৰাকীয়ে কয় ৷

লগতে পঢ়ক: Opposition unity meet: সলনি হ’ল স্থান; 13-14 জুলাইত বেংগালুৰুত বিৰোধীৰ উমৈহতীয়া বৈঠক