নিউজ ডেক্স, 28 আগষ্ট: কমনৱেল্থ গেমছৰ ব্ৰঞ্জৰ পদক বিজয়ী ভাৰতীয় মল্লযুঁজাৰু পূজা ছিহাগৰ (CWG bronze medalist Pooja Sihag) স্বামীৰ ৰহস্যজনক মৃত্যু ৷ আৰক্ষী সূত্ৰই জনোৱা মতে, হাৰিয়ানাৰ ৰোহটকত মৃত্যু হয় পূজাৰ স্বামী অজয় নন্দালৰ ( Pooja Sihag husband dies suspicious circumstances) ৷
ৰোহটকৰ ডি এছ পি মহেশ কুমাৰে কয় যে, অজৰ মৃতদেহ ইতিমধ্যে মৰণোত্তৰ পৰীক্ষাৰ বাবে প্ৰেৰণ কৰা হৈছে ৷
‘‘অজয় নন্দালৰ মৃতদেহ আমি মৰণোত্তৰ পৰীক্ষাৰ বাবে প্ৰেৰণ কৰিছোঁ ৷ অজয়ৰ দেউতাকে অত্যাধিক ড্ৰাগছ সেৱন কৰোৱা বুলি অজয়ৰ বন্ধু ৰবিলৈ সন্দেহৰ আঙুলি টোঁৱাইছে ৷ ঘটনাটো সংঘটিত হৈছে মহাৰাণী কিশোৰী জাট কন্যা মহাবিদ্যালয়ৰ সমীপত ৷’’ ডিএছপি মহেশ কুমাৰে (DSP Mahesh Kumar) কয় ৷
উল্লেখ্য যে, ভাৰতীয় মল্লযুঁজাৰু পূজা ছিহাগে 2022 বৰ্ষৰ কমনৱেল্থ গেমছত মহিলাৰ 76 কিলোগ্ৰাম শাখাত অষ্ট্ৰেলিয়াৰ নাওমি ডি ব্ৰুইনক পৰাস্ত কৰি ব্ৰঞ্জৰ পদক অৰ্জন কৰিছিল (Indian wrestler Pooja Sihag) ৷
লগতে পঢ়ক: পুনৰ ইতিহাস ৰচিলে নীৰজ চোপ্ৰাই
