নেশ্যনেল ডেস্ক,৪ ছেপ্টেম্বৰ : বিপদত তামিলনাডু মন্ত্ৰী তথা মুখ্যমন্ত্ৰীৰ পুত্ৰ উদয়ানিধি ষ্টেলিন । ইখনৰ পাছত সিখন এজাহাৰ দাখিল মন্ত্ৰীগৰাকীৰ বিৰুদ্ধে । সনাতন ধৰ্ম সন্দৰ্ভত বিতৰ্কিত মন্তব্য কৰাৰ পাছতে ষ্টেলিনৰ বিৰুদ্ধে ক্ষোভিত হৈ পৰিছে দেশৰ বিভিন্ন দল-সংগঠন । মুজাফৰপুৰৰ অধিবক্তা সুনীল কুমাৰ ওজাই মুজাফৰপুৰ অসামৰিক আদালতত উধায়ানিধিৰ বিৰুদ্ধে অভিযোগ দাখিল কৰিছে । অধিবক্তাগৰাকীয়ে অভিযোগ কৰিছে যে তামিলনাডুৰ মন্ত্ৰী উদয়ানিধিৰ সনাতন ধৰ্ম সন্দৰ্ভত বিতৰ্কিত মন্তব্যই সমগ্ৰ দেশৰ হিন্দুসকলৰ আৱেগক আঘাত কৰিছে ।
তেওঁ কৈছে যে উদয়ানিধিৰ এই মন্তব্যই সমগ্ৰ দেশতে হিন্দু আৰু সনাতন ধৰ্মত বিশ্বাস কৰা কোটি কোটি লোকৰ ধৰ্মীয় অনুভূতিক আঘাত কৰিছে । তেওঁৰ মতে মন্ত্ৰীগৰাকীয়ে ৰাজনৈতিক লাভৰ উদ্দেশ্যে এনে ধৰণৰ মন্তব্য দিছে । এনে পৰিস্থিতিত, অভিযুক্তৰ বিৰুদ্ধে কঠোৰ আইনী ব্যৱস্থা লোৱা উচিত বুলিও তেওঁ দাবী কৰে । আদালতে ইতিমধ্যে অভিযোগটো গ্ৰহণ কৰিছে । আদালতত বিষয়টোক লৈ ১৪ ছেপ্টেম্বৰত শুনানি হ'ব ।
উল্লেখ্য যে তামিলনাডুৰ মুখ্যমন্ত্ৰী এম কে ষ্টেলিনৰ পুত্ৰ তথা ৰাজ্যখনৰ মন্ত্ৰী উদয়ানিধিয়ে শেহতীয়াকৈ সনাতন ধৰ্মক মেলেৰিয়া, ডেংগু, ক'ৰণাৰ দৰে ৰোগৰ সৈতে তুলনা কৰি কৈছিল যে ইয়াক নিৰ্মূল কৰিব লাগে । তেওঁ কৈছিল যে এনে ধৰণৰ বিষয়ৰ বিৰোধিতা কৰা উচিত নহয় ইয়াক নিৰ্মূল কৰা উচিত । মন্ত্ৰীগৰাকীৰ এই মন্তব্যই সমগ্ৰ দেশতে ৰাজনৈতিক মহলত হুলস্থূলৰ সৃষ্টি কৰিছে ।
বিজেপি দলৰ বিভিন্ন নেতাই তামিলনাডুৰ মন্ত্ৰীগৰাকীক তীব্ৰ সমালোচনা কৰিছে । আনহাতে ডিএমকে দলটোকো সমালোচনা কৰিছে । সমান্তৰালকৈ বিৰোধী মিত্ৰজোঁট INDIAকো বহুতো নেতাই টাৰ্গেট কৰি লৈছে ।
লগতে পঢ়ক :Speaking for India podcast: তামিলনাডুত 'দ্ৰাবিড় মডেল'ৰ প্ৰতিশ্ৰুতি মুখ্যমন্ত্ৰী ষ্টেলিনৰ
