নিউজ ডেস্ক, 30 মে': শুকুৰবাৰে উচ্চতম ন্যায়ালয়ে খাৰিজ কৰে হাৰিয়ানাৰ কংগ্ৰেছ নেতা পংকজ পুনিয়াৰ বিৰুদ্ধে থকা গোচৰৰ প্ৰত্যাহাৰৰ বাবে দিয়া আবেদন । তেওঁৰ বিৰুদ্ধে হাৰিয়ানা আৰক্ষীয়ে চ'ছিয়েল মিডিয়াযোগে ধৰ্মীয় আবেগত আঘাত হনাৰ অভিযোগ উত্থাপন কৰি এজাহাৰ দাখিল কৰিছিল । তেওঁৰ বিৰুদ্ধে দাখিল কৰা এজাহাৰ প্ৰত্যাহাৰ কৰিবলৈ উচ্চতম ন্যায়ালয়ত তেওঁ আবেদন কৰিছিল । উল্লেখ্য যে, পুনিয়াৰ বিৰুদ্ধে উত্তৰ প্ৰদেশ আৰু মধ্য প্ৰদেশত ইতিমধ্যে একেটা গোচৰেই ৰুজু হৈ আছে ।
অৰুণ মিশ্ৰা, এছ.এ নাজিৰ আৰু ইন্দিৰা বেনাৰ্জীৰ তিনিজনীয়া বিচাৰপীঠে জ্যেষ্ঠ অধিবক্তা সঞ্জয় হেগড়েয়ে এজাহাৰ বাতিল কৰিবলৈ দৰ্শোৱা যুক্তিত একমত হ'ব নোৱাৰিলে ।
অৱশ্যে, শীৰ্ষ ন্যায়ালয়ে অন্য প্ৰাথমিক আন আন বিষয়ৰ ওপৰত উচ্চ ন্যায়ালয়ৰ কাষ চাপিবলৈ তেওঁক স্বাধীনতা প্ৰদান কৰিছে ।
অধিবক্তা গৰাকীয়ে কয় যে, পুনিয়াৰ বিৰুদ্ধে হাৰিয়ানাৰ কৰ্ণাল, নয়দা আৰু লক্ষ্নৌত একেটাই গোচৰ ৰুজু হৈ আছে । পূৰ্বতে কৰ্ণালত কংগ্ৰেছী নেতাগৰাকীক আৰক্ষীয়ে এই অভিযোগৰ ভিত্তিত গ্ৰেপ্তাৰ কৰিছিল ।
হাৰিয়ানা প্ৰদেশ কংগ্ৰেছৰ প্ৰাক্তন সম্পাদক গৰাকীক 20 মে'ৰ দিনা গ্ৰেপ্তাৰ কৰিছিল আৰক্ষীয়ে । তেওঁ টুইটাৰ যোগে ধৰ্মীয় অনুভূতিক আঘাত হানিব পৰা এটি পোষ্টৰ বাবেই গ্ৰেপ্তাৰ কৰা হৈছিল ।
পুনিয়াৰ বিৰুদ্ধে ভাৰতীয় দণ্ডবিধিৰ 153A, 295A, 505-2 আৰু IT act 2008 ৰ অধীনত গোচৰ ৰুজু কৰা হৈছে ।
