নেশ্যনেল ডেস্ক, ১৫ জুন: কৰ'ণা মহামাৰীৰ মাজতে সংযুক্ত আৰৱ এমিৰেটছ (UAE) ডুবাইত আৱদ্ধ হৈ থকা ওড়িশাৰ লোকসকলে ভাৰতলৈ উভতিবলগীয়া এখন বিমানৰ অপেক্ষাত আছিল । এই শুভ ক্ষণতে এগৰাকী মহিলা পাইলটৰ ওড়িয়া ভাষাত স্বাগতসূচক ভাষ্য শুনি আৱদ্ধ হৈ থকা ওড়িয়া লোকসকলৰ মন আনন্দিত হৈ উঠে ।
Aji Apana Mananku Raja ra Abhinandan (আপোনালোক সকলোকে ৰাজাৰ তৰফৰ পৰা হিয়াভৰা শুভেচ্ছা). Mu Captain Madhusmita Apanamananku Air Arabia ra special flight to swagat karuchi (মই কেপ্টেইন মধুস্মিতাই আপোনালোক সকলোকে এয়াৰ আৰৱীয়ৰ বিশেষ বিমান সেৱালৈ স্বাগতম জনাইছো)- এইদৰে ওড়িয়া মহিলা পাইলটগৰাকীয়ে সোমবাৰে পুৱা বিমানখনে উৰণ লোৱাৰ সময়ত সকলো আৱদ্ধ ওড়িয়া লোকসকলৰ মনত উৎফুল্লিত কৰে ।
শ্বাৰজাহৰ পৰা ওড়িশালৈ গমন কৰাৰ পিছত যাত্ৰীসকলে কৰ'ণাৰ প্ৰতি সুৰক্ষা অৱলম্বন কৰি ফেচ ছীল্ড আৰু ফেচ মাস্ক পৰিধান কৰি নিশ্চিত মনে নিজ ঠাইলৈ যাত্ৰা কৰে । পাইলট মধুস্মিতাই ‘জয় জগন্নাথ ধ্বনি’ৰে ঘোষণা সামৰে । ভূৱনেশ্বৰৰ মূল নিৱাসী আৰু ডুবাইত কৰ্মৰত কেপ্টেইন মধুস্মিতা পাটনায়কৰ তত্বাৱধানত বন্দে ভাৰত মিছনৰ অধীনত সোমবাৰে পুৱা ডুবাইত আৱদ্ধ হৈ থকা ২১৫ জন ওড়িশাৰ লোক বিশেষ বিমানেৰে লৈ দিনৰ ২ বজাত ভূৱনেশ্বৰৰ বীজু পাটনায়ক আন্তঃৰাষ্ট্ৰীয় বিমানবন্দৰত উপস্থিত হয় ।
লগতে পঢ়ক: হিমন্ত বিশ্ব শৰ্মাৰ আশু আৰোগ্য কামনাৰে পূজা-অৰ্চনা
