নিউজ ডেস্ক, 17 এপ্ৰিল : সমগ্ৰ দেশজুৰি চলি থকা লক ডাউনৰ সময়ছোৱাত বিভিন্ন সমস্যাৰ সন্মুখত হ'বলগীয়া হৈছে দেশৰ সৰ্বসাধাৰণ ৷ কেৰালাৰ পুনালোৰ অঞ্চলত বুধবাৰে দেখা গ'ল এক হৃদয় বিদাৰক দৃশ্য ৷এখন অ'ট ৰিক্সাৰে নিজৰ 65 বছৰীয়া পিতৃক এজন লোকে লক ডাউনৰ মাজতে পুনালোৰ তালোক হাস্পতালৰ পৰা স্ব-গৃহলৈ ঘুৰি অহাৰ পথত মাজ বাটতে অ'ট ৰিক্সাখনক লক ডাউন উলংঘা কৰাৰ অপৰাধত জব্দ কৰে ৷ যাৰ ফলত লোকজনে এক কিলোমিটাৰ বাট নিজৰ বৃদ্ধ পিতৃক বোকোচাত তুলি লৈ ঘৰলৈ আনিবলগীয়া হয় ৷ এই ঘটনা পোহৰলৈ অহাৰ পাছতেই কেৰালাৰ ৰাজ্যিক মানৱ অধিকাৰ সমিতিয়ে ঘটনা সন্দৰ্ভত তদন্ত কৰি এক গোচৰ ৰুজু কৰে ৷
লগতে পঢ়ক : মেঘালয়ত প্ৰায় ৩০ ঘণ্টাৰ অন্তত কবৰ দিয়ে কৰ'ণা ভাইৰাছত আক্ৰান্ত চিকিৎসকক
