নিউজ ডেস্ক, 27 জুলাইঃ কেন্দ্ৰীয় চৰকাৰে জম্মু-কাশ্মীৰত সন্ত্ৰাসবাদৰ সৈতে যুঁজিবলৈ অৰ্ধসামৰিক বাহিনীৰ অতিৰিক্ত 100টা কোম্পানী প্ৰেৰণৰ সিদ্ধান্ত গ্ৰহণ কৰিছে ৷ কেন্দ্ৰীয় গৃহ মন্ত্ৰালয়ে এইসমূহ কোম্পানীৰ মোতায়েনত মঞ্জুৰি প্ৰদান কৰিছে ৷
এইদৰে বৃহৎ হাৰত ৰাজ্যখনলৈ সুৰক্ষা বাহিনীৰ দল প্ৰেৰণৰ আঁৰত ৰাজ্যখনৰ পৰা অনুচ্ছেদ 35(A) উঠাই লোৱাৰ প্ৰস্তুতি বুলি বিশেষ সূত্ৰই প্ৰকাশ কৰিছে ৷ অমৰনাথ যাত্ৰাৰ অন্ত পৰিলেই এই বিষয়ে কেন্দ্ৰীয় চৰকাৰে নিজৰ স্থিতি স্পষ্ট কৰিব ৷ ৰাষ্ট্ৰপতি শাসনৰ অন্ত পেলোৱাৰ সম্ভাৱনা ব্যক্ত কৰি উদ্ভাৱন হ'ব পৰা ব্যাপক হিংসাত্মক কাৰ্যকলাপৰ সৈতে মোকাবিলা কৰিবলৈ এইসমূহ বাহিনী প্ৰেৰণ কৰিবলৈ সিদ্ধান্ত লৈছে ৷ কেন্দ্ৰই প্ৰেৰণ কৰিবলৈ লোৱা এইসমূহ কোম্পানীৰ ভিতৰত চিআৰপিএফৰ 50টা, বিএছএফৰ 10টা, এছএছবিৰ 30 আৰু আইটিবিপিৰ 10টা কোম্পানী আছে ৷
