নেশ্যনেল ডেস্ক, 19 ফেব্ৰুৱাৰীঃ মহিলাৰ প্ৰজনন ক্ষমতা অধিকাৰ সুৰক্ষা প্ৰদান কৰাৰ বাবে কেন্দ্ৰীয় কেবিনেটে বুধবাৰে 'Assisted Reproductive Technology Regulation Bill 2020'ৰ অনুমোদন জনায় ৷
এই বিধেয়কখন ঐতিহাসিক বুলি উল্লেখ কৰে মহিলা আৰু শিশু উন্নয়ণ মন্ত্ৰী স্মৃতি ইৰাণীয়ে ৷ ইয়াৰোপৰি এই বিলখনে মহিলা উন্নয়ণক আইন হিচাপে ৰাষ্ট্ৰীয় পঞ্জীয়ণত অন্তৰ্ভুক্ত তথা প্ৰতিষ্ঠিত কৰিব বুলি উল্লেখ কৰে মন্ত্ৰীগৰাকীয়ে ৷
ৰাষ্ট্ৰীয় পৰিষদ আৰু ৰাজ্যিক পৰিষদে এই বিধেয়কখনৰ বৈধ বুনিয়াদী ব্যৱস্থা গ্ৰহণ কৰিব ৷ ইয়াৰোপৰি কেন্দ্ৰীয় তথ্যভিত্তিক ক্লিনিক আৰু বেংকৰো প্ৰতিষ্ঠা কৰা হ’ব বুলি স্মৃতি ইৰাণীয়ে প্ৰকাশ কৰে ৷ লগতে তেওঁ কয় যে এই বিধেয়কখন অনুসৰি ভ্ৰূণ বিক্ৰী আৰু সৰবৰাহকাৰীৰ কৰাৰ ক্ষেত্ৰতো জৰিমনা ভৰিবলগীয়া হ’ব ৷
উল্লেখ্য যে এই বিধেয়কখন 2 মাৰ্চৰ পৰা 3 এপ্ৰিললৈ অনুষ্ঠিত হ’বলগীয়া সংসদৰ পৰৱৰ্তী পৰ্যায়ৰ বাজেট অধিৱেশনত উত্থাপন হোৱাৰ সম্ভাৱনা ব্যক্ত কৰা হৈছে ৷ আনহাতে স্মৃতি ইৰাণীয়ে মহিলাসকলৰ উন্নয়ণৰ বাবে চৰকাৰে বিভিন্ন ধৰণৰ পদক্ষেপ গ্ৰহণ কৰি থকা বুলি উল্লেখ কৰে ৷
আৰু পঢ়কঃদুগ্ধজাত খণ্ডৰ বিকাশৰ বাবে 4,558 কোটি টকাৰ আঁচনিত অনুমোদন কেন্দ্ৰীয় চৰকাৰৰঃ প্ৰকাশ জাভেদকাৰ
