নিউজ ডেস্ক, ২৭ এপ্ৰিলঃ কেন্দ্ৰীয় চৰকাৰে উদ্যোগ তথা মাৰুতি চুজুকী,টয়োটা,টাটা মটৰ্ছ আৰু মাৰ্চিডিজ ব্ৰেঞ্জৰ সহিতে অটোম'বাইল কোম্পানী সমূহক আংশিকৰূপে উৎপাদন আৰম্ভ কৰিবলৈ অনুমতি প্ৰদান কৰিছিল যদিও বৰ্তমানলৈকে উৎপাদন আৰম্ভ কৰা নাই কোম্পানী সমূহে। অনুমতি প্ৰদানৰ ১ সপ্তাহ পাচত কোম্পানীসমূহে কয় যে,কোম্পানীসমূহৰ ডিলাৰ তথা সামগ্ৰীৰ ৰপ্তানি ব্যৱস্থা খোলাৰ পাচতহে কোম্পানীসমূহে উৎপাদন কাম পুনৰ আৰম্ভ কৰিব ।
কোম্পানীসমূহৰ বিষয়ববীয়াৰ ভাষ্য অনুসৰি, দেশৰ অধিকাংশ অঞ্চলত ইতিমধ্যে অটো ডীলৰসমূহত লক ডাউনৰ বাবে বন্ধ হৈ আছে । বিগত সপ্তাহত হাৰিয়ানা চৰকাৰে কোম্পানীসমূহক পুনৰ নিৰ্মাণকাৰ্য আৰম্ভ কৰিবলৈ অনুমতি প্ৰদান কৰিছিল যদিও ছুজুকী ইণ্ডিয়াৰ অধ্যক্ষ আৰ্চী ভাৰ্গৱে কয় যে,যেতিয়াই যান-বাহন বিক্ৰী কৰিবৰ বাবে সম্ভৱ হ'ব তেতিয়াহে উৎপাদন আৰম্ভ কৰিম ।
আনহাতে,টয়টা কোম্পানীৰ মুখপাত্ৰই কয় যে,কেন্দ্ৰীয় চৰকাৰে দিয়া লক ডাউনৰ আদেশ পালন কৰিম। আৰু যেতিয়ালৈকে চৰকাৰৰ তৰফৰ পৰা জাননী নিদিয়ে তেতিয়ালৈকে কেন্দ্ৰীয় চৰকাৰৰ নিৰ্দেশ অনুযায়ী কাম কৰি যাব বুলি সদৰী কৰে।
লগতে চাওকঃ নগা তেজৰ ওপৰত গৱেষণা কৰিবলৈ সাজু আমেৰিকা
