নতুন দিল্লী, 3 জুনঃ অভূতপূৰ্ব সময়ে অভূতপূৰ্ব উপায়ৰ সূচনা কৰে । প্ৰকৃত নিয়ন্ত্ৰণ ৰেখাত সৃষ্টি হোৱা ভাৰত-চীনৰ বিবাদৰ অৱসান ঘটোৱাৰ বাবে লেফটেনেন্টে জেনেৰেল স্তৰীয় এক আলোচনা অনুষ্ঠিত হোৱাৰ কথা পোহৰলৈ আহিছে । শনিবাৰে বিশ্বৰ দুটাকৈ বৃহৎ সেনাৰ প্ৰতিনিধিমণ্ডল, পূৰ্বীয় লাডাখৰ স্পংগুৰ গেপৰ কাষত চুশুলত আলোচনাত মিলিত হ'ব বুলি জানিব পৰা গৈছে । এই বৈঠকত দুয়োখন দেশৰ সেনাৰ লেফটেনেন্টে জেনেৰেল স্তৰীয় বিষয়াসকলে অংশগ্ৰহণ কৰিব ।
ইটিভি ভাৰতৰ সৈতে বাৰ্তালাপত এগৰাকী জ্যেষ্ঠ সেনাবিষয়াই এনেধৰণৰ বৈঠক ভাৰত-চীন সীমা বিবাদকলৈ পূৰ্বতে কেতিয়াও হোৱা নাই বুলি উল্লেখ কৰে । এই বাৰ্তালাপত দুয়োখন দেশৰ মাজত থকা সীমা বিবাদক অৱসান ঘটোৱাই মুখ্য লক্ষ্য হ'ব বুলি জানিবলৈ দিয়ে । সীমান্তত হোৱা সংঘৰ্ষৰ পাচতেই পূৱ লাডাখৰ চাৰিটা পইণ্টত বৃহৎ সংখ্য়ক সেনা, যান বাহন, আৰ্টিলাৰী অৱস্থান কৰা হৈছিল ।
2013 চনৰ অক্টোবৰ মাহত দুয়োখন দেশৰ মাজত সীমান্ত প্ৰতিৰক্ষা সহযোগিতা স্বাক্ষৰিত চুক্তিৰ (BDCA) অধীনত লেফটেনেন্টে জেনেৰেল পদযুক্ত বিষয়াই সামৰিক থিয়েটাৰত ইজনে-সিজনৰ সৈতে মত-বিনিময় কৰিব ।
এনে ধৰণৰ ব্যস্ততা শেষবাৰৰ বাবে চলিত বৰ্ষৰ 8-9 জানুৱাৰীত হৈছিল । য'ত ভাৰতীয় সেনাৰ তদানীন্তন নৰ্থাৰ্ণ কমাণ্ডাৰ জিঅ'চি লেফটেনেন্ট জেনেৰেল ৰণবীৰ সিঙে বেইজিংত পিএলএ জেনেৰেল হান ৱেংগু আৰু জেনেৰেল ঝাও জংকি, কামাণ্ডাৰ অফ ৱেষ্টাৰ্ণ থিয়েটাৰ কমাণ্ডত আলোচনাত মিলিত হৈছিল । গ্ৰাউণ্ড ফৰ্চেছ সহ পিএলএৰ ৱেষ্টাৰ্ণ থিয়েটাৰ কমাণ্ড ভাৰতৰ সৈতে এই ফ্ৰণ্টৰ বাবে দায়ৱদ্ধ আছিল । জানুৱাৰীৰ এই বৈঠক 2018 জুলাইৰ প্ৰথম সপ্তাহত ভাৰতত পশ্চিম থিয়েটাৰ কমাণ্ডৰ দুই নম্বৰ লেফটেনেণ্ট জেনেৰেল লিউ জিয়াউউয়েৰ পৰিদৰ্শন কৰাৰ বাবে এটি পৰস্পৰ সন্মান আছিল ।
সামগ্ৰিক কনফিডেঞ্চ বিল্ডিং মিজাৰ্ছৰ (CBMs)ৰ অধীনত পাঁচটা অন্তনিৰ্হিত প্ৰক্ৰিয়া বাহিৰে এই স্তৰৰ ব্যস্ততা 3,488 কিলোমিটাৰ দীৰ্ঘ সীমান্ত বিবাদ নিষ্পত্তি কৰাৰ বাবে উভয় দেশৰ মাজত সন্মত হয় ।
