নিউজ ডেস্ক, 22 এপ্ৰিলঃ উত্তৰ প্ৰদেশৰ চম্বল জিলাত আৰক্ষীয়ে অবৈধভাৱে সুৰা বিতৰণ কৰাৰ অভিযোগত দুজন লোকক গ্ৰেপ্তাৰ কৰে ৷ অভিযোগ অনুসৰি আটকাধীন লোক কেইজনে চম্বল লোকসভা সমষ্টিৰ প্ৰগতিশীল সমাজবাদী দলৰ প্ৰাৰ্থী কৰণ সিং যাদৱৰ হৈ সুৰা বিতৰণ কৰি আছিল ৷
আৰক্ষীয়ে জনোৱা অনুসৰি এক গোপন সুত্ৰৰ পম খেদি আৰক্ষীয়ে ম'ৰাদাবাদ ৰ'ডৰ পৰা অবৈধভাৱে সুৰা বিতৰণ কৰি থকা লোক দুজনক গ্ৰেপ্তাৰ কৰে ৷ আটকাধীন লোকদুজনৰ পৰা আৰক্ষীয়ে 2 কাৰ্ট'ন সুৰা জব্দ কৰে ৷ ইতিমধ্য আৰক্ষীয়ে প্ৰাৰ্থী কৰণ সিং যাদৱৰ বিৰুদ্ধে নিৰ্বাচনী আচৰণ বিধি উলংঘা কৰাৰ অভিযোগত তদন্ত আৰম্ভ কৰিছে ৷ উল্লেখ্য যে আগন্তুক এপ্ৰিলৰ 23 তাৰিখে উত্তৰ প্ৰদেশত 10টা লোকসভা সমষ্টিত 2019 লোকসভা নিৰ্বাচনৰ তৃতীয় পৰ্যায়ৰ ভোট গ্ৰহণ প্ৰক্ৰিয়া অনুষ্ঠিত হ'ব ৷
