নেশ্যনেল ডেস্ক, 17 এপ্ৰিল : পঞ্জাবৰ বাথিণ্ডা সামৰিক কেন্দ্ৰত গুলীচালনা ঘটনাৰ সৈতে জড়িতৰ অভিযোগত এজন জোৱানক আটক ৷ উল্লেখ্য যে, পঞ্জাবৰ বাথিণ্ডা সামৰিক কেন্দ্ৰত ১২ এপ্ৰিলৰ দিনা সংঘটিত হয় এক গুলীচালনাৰ ঘটনা । এই ঘটনাত কমেও চাৰিজন সেনা জোৱান নিহত হয় । পুৱা প্ৰায় ৪.৩৫ বজাত বাথিণ্ডা সামৰিক কেন্দ্ৰৰ ভিতৰত এই গুলীচালনাৰ ঘটনাটো সংঘটিত হোৱা বুলি জানিবলৈ পৰা গৈছে (Firing at Bathinda Military Station Punjab) ।
উক্ত গুলীচালনাৰ ঘটনাত টোপনিতে নিহত হয় চাৰিজনকৈ সেনা জোৱান । পঞ্জাব আৰক্ষীয়ে জানিবলৈ দিয়া অনুসৰি, দেওবাৰে এই কাণ্ডৰ সৈতে জড়িতৰ সন্দেহত চাৰিজন জোৱানক জেৰা কৰা হয় । ইতিমধ্যে বাথিণ্ডা সামৰিক কেন্দ্ৰত সংঘটিত গুলীচালনাৰ সৈতে জড়িত দুজন অচিনাকি ব্যক্তিৰ বিৰুদ্ধে পঞ্জাব আৰক্ষীয়ে গোচৰ ৰুজু কৰে । ঘটনাটোৰ সাক্ষী মেজৰ আশুতোষ শুক্লাৰ বক্তব্যৰ ভিত্তিত গোচৰ ৰুজু কৰা হৈছে (Punjab Military Station Firing) ।
গোচৰটোত নিহত চাৰিজন জোৱান সাগৰ, কমলেশ, সন্তোষ আৰু যোগেশ বুলি চিনাক্ত কৰা হৈছে । উল্লেখ্য যে, নিজ কৰ্তব্য সমাপন হোৱাৰ পিচত জোৱানকেইজনে নিজৰ কোঠাত শুই আছিল ৷ তেতিয়াই বগা কুৰ্তা পাইজামা পিন্ধা দুজন মুখা পিন্ধা লোকে ৰাইফল আৰু চোকা ধাৰৰ অস্ত্ৰৰে আক্ৰমণ কৰে সামৰিক কেন্দ্ৰটোত । তেজেৰে লুতুৰি-পুতুৰি হৈ থকা অৱস্থাত চাৰিজন জোৱানক উদ্ধাৰ কৰা হয় । ঘটনাটোত ব্যৱহৃত এটা অস্ত্ৰ জব্দ কৰা বুলি আৰক্ষীয়ে জানিবলৈ দিয়ে (4 killed in military station firing in Punjab) ।
সেনাৰ বিবৃতি অনুসৰি এই কাণ্ডত আন কোনো লোকৰ আঘাত বা সা-সম্পত্তিৰ ক্ষতিৰ হোৱা নাই । তাৎপৰ্যপূৰ্ণভাৱে যোৱা দুদিন ধৰি ২৮ টা গুলীৰ সৈতে এটা ইনছাছ ৰাইফল নিৰুদ্দেশ হোৱা বুলি সেনাবাহিনীৰ লোকে জানিবলৈ দিয়ে ৷ এই কাণ্ডৰ আঁৰত জোৱান জড়িত থকাৰ সন্দেহ কৰা হৈছে । ঘটনাটো সংঘটিত হোৱাৰ পিচত সেনাবাহিনীৰ লোকে অঞ্চলটো ঘেৰাও কৰি ৰাখে (One Army jawan detained for Bathinda incident) ৷
ঘটনাৰ সত্য উদঘাটন কৰিবলৈ সেনাই পঞ্জাব আৰক্ষীৰ সৈতে যৌথ তদন্ত চলাইছে বুলি জানিবলৈ পৰা গৈছে । উল্লেখ্য যে, প্ৰতিৰক্ষা মন্ত্ৰী ৰাজনাথ সিঙলৈকো মুখ্য জেনেৰেল মনোজ পাণ্ডেই এক টোকা প্ৰেৰণ কৰে বুলি জানিবলৈ পৰা গৈছে (Punjab police) ।
লগতে পঢ়ক : Punjab Military Station Firing : পঞ্জাবৰ সামৰিক কেন্দ্ৰত গুলীবৰ্ষণত নিহত ৪
