গোলাঘাট, 2 আগষ্ট : গোলাঘাট জিলাৰ মৰঙী শ'লমাৰী গাঁৱৰ 39 নং ৰাষ্ট্ৰীয় ঘাইপথত বৃহস্পতিবাৰে নিশা দাওদাওকৈ জ্বলি উঠিল এখন বালি ভৰ্তি ডাম্পাৰ । AS05AC0232 নম্বৰৰ বাহনখনৰ কিছু যান্ত্ৰিক বিজুতিৰ বাবেই এই দুৰ্ঘটনাটো সংঘটিত হোৱা বুলি সন্দেহ কৰিছে প্ৰত্যক্ষদৰ্শীয়ে ৷ এই দুৰ্ঘটনাটোৰ ফলত সৌভাগ্য ক্ৰমে ৰক্ষা পৰে বাহনখনৰ চালক আৰু হেণ্ডিমেন ।
ঘটনা সংঘটিত হোৱাৰ পাচত গোলাঘাটৰ অগ্নি নিৰ্বাপক বাহিনীক খবৰ দিয়া হয় ৷ খবৰ লাভ কৰাৰ পাচতে উক্ত স্থানত অগ্নি নিৰ্বাপক বাহিনীৰ লোক উপস্থিত হৈ স্থানীয় ৰাইজৰ সহযোগত জুই নুমাবলৈ সক্ষম হয় ৷
