চলন্ত চিটি বাছৰ পৰাই চোৰে লুটি নিলে নগদ টকাসহ আ-অলংকাৰ

গুৱাহাটী, ১৬ ফেব্ৰুৱাৰী : চলন্ত চিটি বাছৰ পৰাই বেগ চুৰ কৰি উধাও হল চোৰ । লুটি নিলে নগদ টকাসহ আ-অলংকাৰ । মহানগৰীৰ ৰাজপথত সংঘটিত হৈছে এই চুৰিকাণ্ডৰ ঘটনা । জানিব পৰা মতে, কামাখ্যাৰ পৰা বশিষ্ঠ অভিমুখী AS 01GC 7338 নম্বৰৰ এখন চিটি বাছত আছিল ধুবুৰীৰ এগৰাকী মহিলা ।

ভুক্তভোগী মহিলাগৰাকীৰ ভাষ্য অনুসৰি বাছত উঠাৰ লগে লগে বাছৰ হেণ্ডিমেনজনে নিজৰ দায়িত্বত তেওঁৰ পৰা বেগ এটা লৈ থৈ দিছিল বাছৰ আগফালে । কিন্তু কিছু সময়ৰ পিচতে চকুৰ পলকতে বেগটো লৈ উধাও হয় চোৰ । বেলতলাত বাছৰ পৰা নামিবলৈ লৈ বেগ বিচাৰি নোপোৱাত হাহাকাৰ লগে মহিলা যাত্ৰীগৰাকীৰ । বেগটোত আছিল ৪০ হাজাৰ টকা, সোণৰ আ অলংকাৰ আৰু বেংক পাচবুক । ঘটনাৰ পিচতে মহিলাগৰাকীয়ে অৱগত কৰে আৰক্ষীক । ইতিমধ্যে ঘটনাস্থলীত হাতীগাঁও আৰু দিছপুৰ আৰক্ষী উপস্থিত হৈ আৰম্ভ কৰিছে তদন্ত ।

লগতে পঢ়ক : নলবাৰীত দুই বাইক চোৰ গ্ৰেপ্তাৰ