চামগুৰিৰ ৰঙাগড়াত সংগীত শিল্পীৰ বাহন দুৰ্ঘটনাগ্ৰস্ত - Anupam Saikia car accident

চামগুৰি, 5 আগষ্ট : চামগুৰিৰ ৰঙাগড়াত যোৱানিশা চাৰিখনকৈ বাহন দুৰ্ঘটনাগ্ৰস্ত হয় । দুৰ্ঘটনাটোত সংগীত শিল্পী অনুপম শইকীয়াসহ আন কেইবাজনো আৰোহী আঘাতপ্ৰাপ্ত হৈছে । এখন হোণ্ডাই বাহন লৈ সংগীত শিল্পীগৰাকী গৈ আছিল যোৰহাট অভিমুখে ।

জানিব পৰা মতে, ৰঙাগড়াত এখন মটৰ চাইকেলে আগেদি পাৰ হৈ যোৱাৰ ফলতে এই দুৰ্ঘটনাটো সংঘটিত হয় ৷ আকস্মিকভাৱে মটৰচাইকেলখন সন্মুখলৈ আহি যোৱাত পিচত আহি থকা ডাম্পাৰখন ৰৈ দিবলগীয়া হয় ৷ কিন্তু ডাম্পাৰৰ পিচতে আহি থকা মেজিক আৰু শিল্পী অনুপম শইকীয়াৰ হোণ্ডাই বাহনখন বেয়াকৈ দুৰ্ঘটনাগ্ৰস্ত হয় ৷

দুৰ্ঘটনাটো সংঘটিত হোৱাৰ পিচতেই ঘটনাস্থলীৰ পৰা ডাম্পাৰখনৰ চালকজনে পলায়ন কৰে যদিও ৰাইজে আবদ্ধ কৰি থয় ডাম্পাৰখন । দুৰ্ঘটনাটোৰ ফলত সামান্য পৰিমাণে আহত হৈছে কণ্ঠশিল্পী অনুপম শইকীয়া । চামগুৰি প্ৰাথমিক স্বাস্থ্য কেন্দ্ৰত স্বাস্থ্য পৰীক্ষা কৰি শিল্পীগৰাকী ৰাওনা হয় ঘৰ অভিমুখে । ঘটনাস্থলীত চামগুৰি আৰক্ষী উপস্থিত হৈ উদ্ধাৰ কৰে বাহনকেইখন ।

লগতে পঢ়ক : সৰুপথাৰৰ টিনা লাহনৰ শিৰত 'স্পাৰ্ক মিচ টিন আচাম-২০২৪' ৰানাৰ্চ আপৰ মুকুট - Spark Miss Teen Assam 2024