আৰ্থিকভাৱে অনগ্ৰসৰ ছাত্ৰ-ছাত্ৰীক বিনামূলীয়া গ্ৰন্থ বিতৰণ সৰুপথাৰ আছুৰ - AASU free book distribution
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jul 30, 2024, 7:38 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/30-07-2024/640-480-22086299-thumbnail-16x9-01-sarupathar-aspera.jpg)
সৰুপথাৰ, ৩০ জুলাই : সৰুপথাৰত সদৌ অসম ছাত্ৰ সন্থাৰ প্ৰশংসনীয় পদক্ষেপ । সদৌ অসম ছাত্ৰ সন্থাৰ উদ্দেশ্য যে কেৱল ৰাজপথৰ আন্দোলনেই নহয়, ছাত্ৰ-ছাত্ৰীক দিক-দৰ্শনতো গুৰুত্বপূৰ্ণ ভূমিকা গ্ৰহণ কৰে সেয়া প্ৰকাশ পাইছে এই পদক্ষেপৰ জৰিয়তে ।
সদৌ অসম ছাত্ৰ সন্থাৰ শৈক্ষিক কৰ্মসূচীৰ আধাৰত মঙলবাৰে সৰুপথাৰ আঞ্চলিক ছাত্ৰ সন্থাৰ উদ্যোগত আৰ্থিকভাৱে অনগ্ৰসৰ স্নাতক মহলৰ ছাত্ৰ-ছাত্ৰীক বিনামূলীয়াকৈ পাঠ্যপুথি বিতৰণ কৰে । এই উপলক্ষে সৰুপথাৰৰ দক্ষিণ গোলাঘাট উন্নয়ন খণ্ডৰ সভাগৃহত এক অনুষ্ঠানৰ আয়োজন কৰা হয় ।
এই অনুষ্ঠানত অঞ্চলটোৰ ভিন্ন প্ৰান্তৰ অৰ্ধশতাধিক মেধা সম্পন্ন স্নাতক প্ৰথম বৰ্ষৰ ছাত্ৰ-ছাত্ৰীক বিতৰণ কৰা হয় বিনামূলীয়া পাঠ্যপুথি । কাৰ্যসূচীত ধনশিৰি মহকুমাৰ মহকুমাধিপতি শ্ৰেয়া সিংহল মুখ্য অতিথি, বুৰঞ্জী বিভাগৰ অধ্যাপক সত্যব্ৰত দত্ত নিৰ্দিষ্ট বক্তা হিচাপে উপস্থিত থাকে । অনুষ্ঠানত সদৌ গোলাঘাট জিলা ছাত্ৰ সন্থাৰ সাধাৰণ সম্পাদক মিণ্টু গগৈৰ লগতে সৰুপথাৰ আঞ্চলিক ছাত্ৰ সন্থাৰ বিষয়ববীয়াসকল উপস্থিত থাকে ।