15 আৰু 19 মে’ত বৰ্ষাপাৰাত যুঁজ: গুৱাহাটীত উপস্থিত হ’ল ৰাজস্থান ৰয়েলছ - IPL MATCH IN GUWAHATI

গুৱাহাটী, 13 মে’ : আই পি এল মেচৰ বাবে গুৱাহাটীত উপস্থিত ৰাজস্থান ৰয়েলছৰ দল ৷ বিশেষ বিমানেৰে সোমবাৰে বিয়লি বৰঝাৰ বিমানবন্দৰত অৱতৰণ কৰে দলটোৱে ৷ 15 আৰু 19 মে’ত বৰ্ষাপাৰাত আই পি এলৰ দুখনকৈ মেচত অংশ ল’ব ৰাজস্থান ৰয়েলছ দলটোৱে ৷ 15 মে’ত পঞ্জাৱ কিংছ আৰু 19 মে’ত কলকাতা নাইট ৰাইডাৰ্ছৰ বিৰুদ্ধে খেলপথাৰত নামিব দলটো ৷

সোমবাৰে বিয়লি চেন্নাইৰ পৰা এয়াৰ ইণ্ডিয়াৰ বিশেষ বিমানযোগে বৰঝাৰ বিমানবন্দৰত উপস্থিত হয় দলটো ৷ বিমানবন্দৰত উপস্থিত হোৱাৰ লগে লগে দলটোক বিশেষভাৱে আদৰণি জনোৱা হয় ৷ ইফালে বিমানবন্দৰত দলটোক কাষৰ পৰা চাবলৈ অনুৰাগীৰ ভিৰ পৰিলক্ষিত হয় ৷ কটকটীয়া নিৰাপত্তাৰ মাজেৰে বৰঝাৰৰ পৰা পোনে পোনে সোণাপুৰৰ মে’ ফেয়াৰলৈ লৈ যোৱা হয় ৰাজস্থান ৰয়েলছৰ দলটোক ৷

লগতে পঢ়ক : গুৱাহাটীত উপস্থিত হ’ল পাঞ্জাৱ কিংছ, 15 মে’ত ৰাজস্থানৰ বিৰুদ্ধে যুঁজ - IPL 2024