ট্ৰেক্টৰৰ চেপাত নিমিষতে প্ৰাণ গ’ল এগৰাকী বৃদ্ধাৰ: আৰক্ষীৰ বিৰুদ্ধে গুৰুতৰ অভিযোগ - Accident in Amguri

আমগুৰি, 27 জুলাই: শিৱসাগৰ জিলাৰ আমগুৰি চাহ বাগিচাত শোকাৱহ দুৰ্ঘটনা ৷ চাহপাত কঢ়িওৱা ট্ৰেক্টৰৰ তলত পৰি মৃত্যু ঘটে এগৰাকী বয়োজ্যেষ্ঠ মহিলাৰ । নিহত মহিলাগৰাকীৰ নাম গুণেশ্বৰী তাচা (80) বুলি জানিব পৰা গৈছে । আমগুৰি চাহ বাগিচাৰ তলৰ লাইনত সংঘটিত হৈছে এই মৰ্মান্তিক ঘটনাটো । দুৰ্ঘটনা সংঘটিত কৰা ট্ৰেক্টৰখনৰ পঞ্জীয়ন নম্বৰ AS-04-A-7473 ৷

চলন্ত ট্ৰেক্টৰৰ পিছৰ চকাৰ তলত সোমাই মহিলাগৰাকীৰ মৃত্যু হোৱাৰ ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে । কি কাৰণত মহিলাগৰাকী চলন্ত ট্ৰেক্টৰৰ পিছৰ চকাত সোমাল সেয়া বৰ্তমানেও ৰহস্যৰ আৱৰ্তত । ঘটনাক লৈ সৃষ্টি হৈছে ব্যাপক চাঞ্চল্যৰ । হালোৱাটিং আৰক্ষীয়ে দুৰ্ঘটনা সংঘটিত কৰা ট্ৰেক্ট্ৰৰখন জব্দ নকৰাক লৈ সৃষ্টি হৈছে তীব্ৰ প্ৰতিক্ৰিয়াৰ ৷

অসম চাহ জনজাতি ছাত্ৰ সন্থা আৰু চাহ শ্ৰমিক মুক্তি সংগ্ৰাম সমিতিয়ে সমগ্ৰ ঘটনাৰ তদন্তৰ দাবী জনাইছে ।

লগতে পঢ়ক: পথৰ কাষত প্ৰস্ৰাৱ কৰি থাকোঁতেই প্ৰাণ গ’ল এটি শিশুৰ - BOY DIED HIT BY A VEHICLE TIRE