প্ৰকৃতিৰ তাণ্ডৱত প্ৰাণ হেৰুৱালে এজনে - heavy storm in Charaideo

মৰাণ, 28 এপ্ৰিল: চৰাইদেউ জিলাত প্ৰকৃতিৰ তাণ্ডৱ ৷ নিশা অহা ভয়ংকৰ বতাহ-ধুমুহাত জিলাখনৰ বিভিন্ন প্ৰান্তত বৃহৎ ক্ষয়-ক্ষতি হয় ৷ ভয়ংকৰ ধুমুহাত চৰাইদেউত এগৰাকী মহিলাৰো মৃত্যু ঘটে । জিলাখনৰ শালকাঠনী চাহ বাগিচাত ঘৰ ভাঙি পৰাৰ ফলত সাবিত্ৰী শৰ্মা নামৰ এগৰাকী বৃদ্ধাৰ কৰুণ মৃত্যু হয় ।

নিশা অহা  ধুমুহাজাকৰ ফলত জিলাখনৰ বহু লোকৰ ঘৰ ভঙাৰ লগতে পথৰ কাষত থকা বহু গছ উঘালি পৰে । প্ৰকাণ্ড গছ পৰি যাতায়ত বন্ধ হৈ পৰে । এঠাইত গাড়ীৰ ওপৰত প্ৰকাণ্ড গছ উভালি পৰাত কথমপি প্ৰাণৰক্ষা পৰে আৰোহীৰ । বহু লোকৰ বাহন ক্ষতিগ্ৰস্ত হোৱা বুলি জানিব পৰা গৈছে । 

ধুমুহাৰ ফলত বহু কৃষক ৰাইজৰ পশুধনৰ মৃত্যু হোৱা বুলিও জানিব পৰা গৈছে । ইয়াৰ সমান্তৰালভাৱে সোণাৰিৰ বিভিন্ন প্ৰান্তত অনুষ্ঠিত বিহু সন্মিলনৰ পেণ্ডেলো ক্ষতিগ্ৰস্ত হয় ।

লগতে পঢ়ক: উজনি অসমৰ কেইবাটাও এলেকাত ধুমুহাৰ তাণ্ডৱ : মৃত্যু এজনৰ - Heavy Storm in Assam