হোজাইতো ৰেমলৰ প্ৰভাৱ: ব্যাহত যোগাযোগ-বিদ্যুৎ যোগান - Cyclone Remal

হোজাই, 28 মে’: ৰেমলৰ প্ৰভাৱত আতংকিত হৈ আছে ৰাজ্যবাসী ৷ সোমবাৰৰ পৰা ৰাজ্যৰ প্ৰায় সকলোতে বতাহ-বৰষুণ-ধুমুহা পৰিলক্ষিত হৈছে ৷ এই পৰ্যন্ত তিনিগৰাকীৰ মৃত্যুৰ লগতে আহত হৈছে বহুতো ৷

ৰাজ্যৰ ভিন্ন প্ৰান্তৰ লগতে হোজাই জিলাতো সোমবাৰে নিশাৰে পৰা প্ৰৱল ধুমুহা আৰু ধাৰাসাৰ বৰষুণ হোৱা দেখিবলৈ পোৱা গৈছে ৷ ধুমুহাৰ ফলত মঙলবাৰে ডবকাৰ ৰাষ্ট্ৰীয় ঘাইপথত বাগৰি পৰিল গছ ৷ তদুপৰি ডবকাৰ হাইস্কুল-থানা সংযোগী পথটোতো বাগৰিল গছৰ লগতে বিদ্যুতৰ তাঁৰ । যাৰ ফলত ঘণ্টা-ঘণ্টা ধৰি যাতায়ত ব্যাহত হৈ পৰাৰ লগতে বিদ্যুৎ সংযোগো ব্যাহত হৈ পৰে ।

উল্লেখ্য যে ঘূৰ্ণিবতাহ ৰেমলৰ প্ৰভাৱত ৰাজ্যত হোৱা ধুমুহাত এই পৰ্যন্ত তিনিগৰাকীকৈ লোকৰ মৃত্যুৰ খবৰ লাভ কৰা গৈছে ৷ বিভিন্ন ঠাইত গছ ভাগি পৰি যাতায়ত ব্যাহত হোৱাৰ লগতে ব্যাহত হৈ আছে বিদ্যুৎ সংযোগ ৷

লগতে পঢ়ক: পৰীক্ষা দিবলৈ গৈ উভতি আহিল কৌশিকৰ ৰক্তাক্ত দেহ