চানফ্লাৱাৰ নাৰ্চাৰীৰ প্ৰতিষ্ঠা দিৱসত মত-বিনিময় অনুষ্ঠান

টিংখাং,১৭ ফেব্ৰুৱাৰী: সেউজী প্রকৃতিখনক আৰু অধিক সেউজীয়া কৰি বহনক্ষম পাৰিপাৰ্শ্বিক উন্নয়ন কৰাৰ লক্ষ্যৰে আৰু স্থানীয় কৃষকসকলক দেশী-বিদেশী উন্নত প্ৰজাতিৰ ফল-মূলৰ পুলি পৰিচয় কৰি দিয়াৰ লক্ষ্যৰে টিংখাঙৰ নলনী কপহুৱাত ৰাষ্ট্ৰীয় আৰু ৰাজ্যিক পুৰস্কাৰ প্ৰাপ্ত প্ৰগতিশীল কৃষক, উদ্ভাৱকসকলৰ সৈতে স্থানীয় কৃষক আৰু ছাত্ৰ-ছাত্ৰীসকলৰ এক ব্যতিক্ৰমী অনুষ্ঠান । চানফ্লাৱাৰ নাৰ্চাৰীৰ প্ৰতিষ্ঠা দিৱসৰ লগত সংগতি ৰাখি অনুষ্ঠিত কাৰ্যসূচীত ৰাষ্ট্ৰীয় বঁটা প্ৰাপক উদ্ভাৱক দুৰ্লভ গগৈ, প্ৰগতিশীল কৃষক ধনিৰাম চেতিয়া, মুগা পালক ৰবীন ভঁৰালী, ৰাষ্ট্ৰীয় কৃষি বঁটা প্ৰাপক দেৱজিৎ চাংমাই, ৰাজ্যিক কৃষি বঁটা প্ৰাপক তিলেশ্বৰ সন্দিকৈ, ৰাজ্যিক কৃষি বঁটা প্ৰাপক মৃনাল কাকতিৰ লগতে বহু কেইগৰাকী ব্যক্তিক দেখিবলৈ পোৱা গ'ল একেখনি মঞ্চত ।  

স্থানীয় কৃষক আৰু ছাত্ৰ-ছাত্ৰীসকলৰ সৈতে মত বিনিময় কৰি নিজ নিজ কৰ্মত সাফল্যৰ কাৰণসমূহ ব্যক্ত কৰে বিশিষ্ট ব্যক্তিসকলে । শুকুৰবাৰে নিশালৈকে অনুষ্ঠিত অনুষ্ঠানত স্থানীয় কেইবাখনো বিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰে এই মত-বিনিময় অনুষ্ঠানত । আনহাতে, সম্পূর্ণ বিনামূলীয়াকৈ এখনি লটাৰী খেল অনুষ্ঠিত কৰি উপহাৰ হিচাপে ভাগ্য উদয় হোৱা ব্যক্তিসকলক মূল্যৱান ফলমূলৰ গছৰ পুলি প্ৰদান কৰা হয় ।  

লগতে পঢ়ক: উপহাৰ কুপন খেলৰ পুৰস্কাৰ মূল্যৱান গছপুলি