স্বাধীনতা দিৱস উদযাপনৰ বাবে সাজু কাজিৰঙাৰ বনকৰ্মী - INDEPENDENCE DAY 2024

কলিয়াবৰ, ১৪ আগষ্ট : ভাৰতৰ ৭৮ সংখ্যক স্বাধীনতা দিৱস আড়ম্বৰপূৰ্ণ কাৰ্যসূচীৰে বৃহস্পতিবাৰে উদযাপন কৰা হ’ব । তাৰ বাবে সমগ্ৰ দেশতে চলিছে ব্যাপক প্ৰস্তুতি । অসমো পিছপৰি ৰোৱা নাই ।

সেই ব্যস্ততা কাজিৰঙা ৰাষ্ট্ৰীয় উদ্যানৰ বনকৰ্মীসকলৰ মাজতো দেখা গৈছে । কাজিৰঙা ৰাষ্ট্ৰীয় উদ্যানৰ ঘন অৰণ্যত ২৪ ঘন্টাই বন্যজন্তুৰ সুৰক্ষাৰ বাবে নিয়োজিত হৈ থাকে বনকৰ্মী । দেশৰ ৭৮ সংখ্যক স্বাধীনতা দিৱসৰ প্ৰস্তুতি চলাইছে কাজিৰঙা ৰাষ্ট্ৰীয় উদ্যানৰ বুঢ়াপাহাৰ বনাঞ্চলত কৰ্মৰত বনকৰ্মীয়েও ৷ স্বাধীনতা দিৱসৰ পেৰেডত অংশগ্ৰহণৰ বাবে সাজু পুৰুষ-মহিলা বনকৰ্মী । কলিয়াবৰ মহকুমাৰ অন্তৰ্গত বুঢ়াপাহাৰ বনাঞ্চলৰ বনকৰ্মীসকলে কলিয়াবৰ মহকুমা প্ৰশাসনে আয়োজন কৰা স্বাধীনতা দিৱসৰ পেৰেডত অংশগ্ৰহণ কৰিব ।

আনহাতে, স্বাধীনতা দিৱসৰ প্ৰকাক্ষণত কলিয়াবৰ আৰক্ষী প্ৰশাসনে নিৰাপত্তা ৰক্ষাৰ বাবে সষ্টম হৈ পৰিছে । কোনোধৰণৰ কূটাঘাতমূলক কাৰ্য যাতে সংঘটিত হ’ব নোৱাৰে তাৰ বাবে কলিয়াবৰ আৰক্ষীয়ে ৰাজপথৰ যান-বাহনত চলাইছে তালাচী ।

লগতে পঢ়ক : হাতে হাতে জাতীয় পতাকা লৈ গোলাঘাটত ত্ৰিৰংগা যাত্ৰা : মন্ত্ৰী অজন্তা নেওগ, সাংসদ কামাখ্যা প্ৰসাদ তাছাৰ অংশগ্ৰহণ