কাছাৰৰ কাবুগঞ্জত হেৰ’ইনসহ গ্ৰেপ্তাৰ দুই সৰবৰাহকাৰী

শিলচৰ, ২৩ জানুৱাৰী : ৰাজ্য়ৰ আন জিলাৰ লগতে কাছাৰতো অব্যাহত আছে আৰক্ষীৰ ড্ৰাগছ বিৰোধী অভিযান ৷ এইবাৰ কাছাৰৰ কাবুগঞ্জত বৃহৎ পৰিমাণৰ ড্ৰাগছসহ আৰক্ষীৰ হাতত গ্ৰেপ্তাৰ হৈছে দুই সৰবৰাহকাৰী । ধৃত দুই সৰবৰাহকাৰী হৈছে আমিৰ হুছেইন আৰু মনোজ সিনহা ।  

এক গোপন সূত্ৰৰ ভিত্তিত কাছাৰৰ সোনাই থানাৰ আৰক্ষীয়ে কাবুগঞ্জ অঞ্চলত AS 10B 1191 নম্বৰ এখন বাহনত তালাচী  চলাই হেৰ’ইনসহ এই দুই সৰবৰাহকাৰীক গ্ৰেপ্তাৰ কৰে  ৷ ধৃত সৰবৰাহকাৰী দুটাৰ পৰা আৰক্ষীয়ে হেৰ'ইনভৰ্তি ১৪৪টা সৰু কন্টেইনাৰত ৩৩৩ গ্ৰাম ড্ৰাগছ জব্দ কৰে । লগতে আৰক্ষীয়ে বাহনখনো জব্দ কৰাৰ লগতে গ্ৰেপ্তাৰ কৰে দুই সৰবৰাহকাৰীক । ধৃত সৰবৰাহকাৰী দুটাৰ ঘৰ সোনাইত বুলি আৰক্ষীয়ে সদৰী কৰিছে ।

লগতে পঢ়ক:গণৰাজ্য দিৱসৰ প্ৰাকক্ষণত তিনিচুকীয়াত কূটাঘাতমূলক ঘটনা সংঘটিত কৰাৰ পৰিকল্পনা বিদ্ৰোহী সংগঠনৰ !