নিশ্চিত জয়ৰ দিশে কংগ্ৰেছ প্ৰাৰ্থী ৰকিবুল হুছেইন - Lok Sabha Election Results 2024

গোৱালপাৰা,৪ জুন: গোৱালপাৰা জিলা আয়ুক্ত চৌহদত ভোটগণনা কেন্দ্ৰত উপস্থিত ধুবুৰী লোকসভা সমষ্টিৰ কংগ্ৰেছ প্ৰাৰ্থী ৰকিবুল হুছেইন । নিশ্চিত জয়ৰ দিশে কংগ্ৰেছ প্ৰাৰ্থীগৰাকী । সাংবাদিকৰ আগত হুছেইনে কয় যে,"এই মুহূৰ্তত মই ধুবুৰী লোকসভা সমষ্টিৰ প্ৰতিগৰাকী নিষ্ঠাবান কংগ্ৰেছ কৰ্মীক ধন্যবাদ জ্ঞাপন কৰিছো । কিয়নো তৃণমূল কৰ্মী অবিহনে কোনেও জয় লাভ কৰিব নোৱাৰে । ২৪ৰ লোকসভা নিৰ্বাচনত যোৰহাট, কৰিমগঞ্জ আৰু নগাঁওত কংগ্ৰেছৰ প্ৰাৰ্থী জয় লাভ কৰাৰ লগতে আন কেইবাটাও সমষ্টিত কংগ্ৰেছৰ প্ৰাৰ্থী বিজয়ী হোৱাৰ সম্ভাৱনা আছে ।"

লগতে পঢ়ক: ডিব্ৰুগড়ত সৰ্বানন্দ সোণোৱালৰ জয় নিশ্চিত : মিঠাই বিতৰণ কৰি হৰ্ষোল্লাস বিজেপি কৰ্মীৰ - Lok Sabha Election Results 2024

ইফালে ৰকিবুল হুছেইনে এগজিট প'লক সমালোচনা কৰি কয়, "এয়া মোদী এগজিট প'ল আছিল । এগজিট প'লে মোদীক সন্তুষ্ট কৰাৰ কাৰণে এইবোৰ দেখুৱাই আছিল ।" ইতিমধ্যে বদৰুদ্দিন আজমলৰ দুৰ্গ চূৰ্ণ-বিচুৰ্ণ কৰি নিশ্চিত বিজয়ৰ দিশে আগবাঢ়িছে কংগ্ৰেছৰ প্ৰাৰ্থী ৰকিবুল হুছেইনে । দুই লাখতকৈ অধিক ভোটৰ ব্যৱধানত পিছ পৰি আছে ধুবুৰী লোকসভা সমষ্টিৰ তিনি বাৰৰ সাংসদ মৌলানা বদৰুদ্দিন আজমল । 

লোকসভা নিৰ্বাচনৰ ফলাফলৰ অধিক বা-বাতৰিৰ বাবে ক্লিক কৰক :

https://www.etvbharat.com/en/!elections/election-2024