কলগাছিয়াত পানীত পৰি ডুব গ'ল এটি শিশু : দুটিক উদ্ধাৰ - Child Death By Drowning

জনীয়া, ২৭ জুলাই: বৰপেটা জিলাৰ কলগাছিয়াৰ তাপেশ্বৰা গাঁৱত অঘটন । পুখুৰীৰ পানীত পৰিল একেটা পৰিয়ালৰ তিনিটি শিশু । এই তিনিটি শিশুৰ ভিতৰত সাহাব উদ্দিন নামৰ লোকজনৰ কন্যা সুহানা পাৰবিন (৩)ৰ সমাধি ঘটে । অৱশ্য়ে স্থানীয় ৰাইজে জীৱন্তে উদ্ধাৰ কৰে শ্বৰিফুল ইছলামৰ পুত্ৰ শ্বাফিন আহমেদ (৩) আৰু শ্বাহানুৰ ইছলামৰ কন্যা ছাদিয়া খাতুন (৪)ক । ইয়াৰ পিচতেই পৰিয়ালৰ লোকে দুয়োটি  শিশুক সংকটজনক অৱস্থাত কলগাছিয়াৰ বৰপেটা অসামৰিক চিকিৎস্যালয়ত ভৰ্তি কৰায়।  

ঘটনাৰ বিৱৰণি অনুসৰি কলগাছিয়া আৰক্ষী থানাৰ অন্তৰ্গত তাপেশ্বৰা গাঁৱত একেটা পৰিয়ালৰ ৩ টি শিশু ঘৰৰ ওচৰতে থকা পুখুৰীৰ পাৰত খেলি থকা অৱস্থাত পানীত পৰি ডুব যায় । কিছু সময় পিচত পৰিয়ালৰ লোকে শিশুকেইটিক দেখা নাপাই বিচাৰ খোচাৰ কৰাত পুখুৰীৰ পানীত ওপঙি থকা প্ৰত্যক্ষ কৰি শিশু কেইটিক তুলি আনে যদিও এটিৰ মৃত্যু হয় ।

লগতে পঢ়ক:গা ধুবলৈ গৈ সলিল সমাধি একে পৰিয়ালৰ দুই ছাত্ৰৰ - Students Death By Drowning