অসম বিধানসভাৰ শৰৎকালীন অধিবেশনৰ চতুৰ্থ দিন LIVE - ASSAM ASSEMBLY AUTUMN SESSION

অসম বিধানসভাৰ শৰৎকালীন অধিৱেশনৰ আজি চতুৰ্থ দিন । পঞ্চদশ অসম বিধানসভাৰ ২০২৪ বৰ্ষৰ শৰৎকালীন অধিৱেশনৰ দিনটোৰ কাৰ্যসূচী অনুসৰি আজি চতুৰ্থ দিনৰ কাৰ্যসূচীত আছে প্ৰশ্নসমূহ, চৰকাৰী বিধেয়কসমূহ উপস্থাপন, বিবেচনা আৰু পাতিকৰণ আৰু অন্যান্য চৰকাৰী কাৰ্যসূচী ৷ অসম বিধানসভাৰ শৰৎকালীন অধিবেশনৰ প্ৰথমদিনা স্মাৰ্ট মিটাৰক লৈ সদনৰ মজিয়া উত্তাল হৈ পৰে । বিৰোধীয়ে লগতে সদন ত্যাগ কৰি হাতে হাতে প্লে'-কাৰ্ড লৈ সদনৰ বাহিৰত উত্তাল প্ৰতিবাদ সাব্যস্ত কৰে  । আনহাতে মঙলবাৰে দ্বিতীয় দিনা হিন্দু-মুছলমানৰ প্ৰসংগক কেন্দ্ৰ কৰি উত্তাল হৈ পৰে সদনৰ মজিয়া । একেদৰে তৃতীয় দিনা অসম বাংলাদেশ সীমান্ত ছীল কৰাৰে লৈ কেইবাটাও বিষয়ে স্থান লাভ কৰে সদনত ৷ পঞ্চদশ অসম বিধানসভাৰ ২০২৪ বৰ্ষৰ শৰৎকালীন অধিবেশন ৩০ আগষ্টত সামৰণি পৰিব ।