গুৱাহাটী: নৱবৰ্ষক আদৰিবলৈ সাজু হৈছে সমগ্ৰ দেশবাসী । ৰাজ্যতো দেখা গৈছে উখল-মাখল পৰিৱেশ । ইফালে নৱবৰ্ষক আদৰাৰ নামত যাতে ৰাজ্যত কোনো অঘটন নঘটে তাৰবাবে সাজু হৈছে অসম আৰক্ষী । অলিয়ে-গলিয়ে বহুৱাইছে নাকা চেকিং । সততে দেখা যায় যে কোনো উৎসৱ আদিত সংঘটিত পথ দুৰ্ঘটনা । সেয়ে বিগত কেইবাটাও বৰ্ষৰ দৰে এইবাৰো পথ দুৰ্ঘটনা ৰোধ কৰিবলৈ সাজু হৈছে পৰিবহন বিভাগ তথা অসম আৰক্ষী । গুৱাহাটী মহানগৰীৰ বিভিন্ন প্ৰান্তত সষ্টম হৈছে আৰক্ষী ।
সুৰাপায়ী চালকৰ বিৰুদ্ধে কঠোৰ আৰক্ষী:
সুৰাপায়ী চালকৰ বিৰুদ্ধে কঠোৰ আইন প্ৰণয়ন কৰি গুৱাহাটী মহানগৰীত বহুৱাইছে নাকা চেকিং । ইতিমধ্যে সামাজিক মাধ্যমযোগে অসম আৰক্ষীয়ে সুৰাপায়ী চালক তথা সাধাৰণ জনতাৰ মাজত সজাগতা সৃষ্টি কৰাও পৰিলক্ষিত হৈছে ।
বলীউডৰ ছবিৰ নাম সংলাপ ব্যৱহাৰ কৰি প্ৰয়াস কৰিছে সজাগতা সৃষ্টিৰ । নতুন বছৰটোক আদৰিবলৈ তথা ৩১ ডিচেম্বৰত পুৰণি বৰ্ষটোক বিদায় দিয়াৰ আনন্দৰ নামত সুৰাপান কৰি উশৃংখল নকৰিবলৈ আহ্বান অসম আৰক্ষীৰ ।
Sigma ho ya Pookie, safety hai zaruri. #NoRegretNewYear pic.twitter.com/ye6sxLy9p9
— Assam Police (@assampolice) December 28, 2024
পাৰ্থসাৰথি মহন্তৰ আহ্বান:
অসম আৰক্ষীৰ আই জি পি পাৰ্থসাৰথি মহন্তইয়ো এই সন্দৰ্ভত সংবাদ মাধ্যমৰ আগত কয় ,"পথ সুৰক্ষা অতি গুৰুত্বপূৰ্ণ বিষয় । এই বিষয়টোৰ ওপৰত মুখ্যমন্ত্ৰীয়ে নিজে তদাৰক কৰি আছে । বনভোজ আৰম্ভ হোৱাৰ লগে লগে বিশেষ উদ্যোগ লোৱা হৈছে । পথ সুৰক্ষা পালন কৰি আমি কিদৰে সুৰক্ষিত হৈ থাকিব পাৰো । আজি যিহেতু এটা বিশেষ দিন ৩১ ডিচেম্বৰ । আজিৰ দিনটোত নতুন বছৰক আদৰিবলৈ ৰাইজ ৰৈ থাকে। ৰাইজে আনন্দ ফুৰ্তি কৰিব বিচাৰে । গতিকে নিজৰ আৰু আনৰ হানি বিঘনি নোহোৱাকৈ সকলোৱে আনন্দ কৰক ।"
Join us for the #DJLockup Night!
— Assam Police (@assampolice) December 29, 2024
Where the beats are hot, but the bars are cold.
Stag entry allowed. #NoRegretNewYear pic.twitter.com/jH8zNCjkOo
তেওঁ লগতে কয়,"সকলোৱে পথ সুৰক্ষাৰ নিয়ম মানি গাড়ী চলাওক । গাড়ী চালক আৰু আৰোহীয়ে চিটবেল্ট পৰিধান কৰি চলাব লাগিব বাহন । কোনোৱে সুৰাপান কৰি চলাব নোৱাৰিব বাহন । কিয়নো মহানগৰীৰ বিভিন্ন স্থানত আৰক্ষীয়ে তালাচী চলাব ।" দ্ৰুতগতিত বাহন নচলাবলৈ আহ্বান আৰক্ষী বিষয়া পাৰ্থ সাৰথি মহন্তৰ । ইফালে তেওঁ মহানগৰ আৰক্ষী আয়ুক্ত হিচাপে নতুন দায়িত্ব সন্দৰ্ভত কয়,"এতিয়া লৈকে নতুন দায়িত্বভাৰ গ্ৰহণ কৰা নাই । আৰক্ষীৰ সালসলনি হৈছে আৰু হৈ থাকে । আগতে যিদৰে ভাল কাম হৈ আছে এতিয়াও হৈ থাকিব । জনতাৰ হকে কামসমূহ কৰি যাম ।"
