নিউজ ডেস্ক, 30 আগষ্ট: ব’য়িঙৰ নতুন ষ্টাৰলাইনাৰ মহাকাশযানৰ সৈতে কেইবাটাও কাৰিকৰী প্ৰত্যাহ্বানৰ সন্মুখীন হোৱাৰ পিচত বৰ্তমান আন্তঃৰাষ্ট্ৰীয় মহাকাশ কেন্দ্ৰ (আই এছ এছ)তেই আছে নাছাৰ মহাকাশচাৰী সুনীতা উইলিয়ামছ আৰু বাচ্চ উইলম’ৰ ৷ এই অভিযানৰ অধীনত সুনীতা উইলিয়ামছ আৰু তেওঁৰ সহযোগী বুচ উইলম’ৰে এসপ্তাহৰ পিছতে আন্তঃৰাষ্ট্ৰীয় মহাকাশ কেন্দ্ৰলৈ উভতি আহিব লাগিছিল যদিও বয়িঙৰ ষ্টাৰলাইনাৰ কেপচুলৰ বিজুতি ঘটাৰ বাবে ঘূৰি অহাত অসুবিধাই দেখা দিছে ।
NASA and Boeing have concluded their Delta-Flight Test Readiness Review, polling “go” to proceed with undocking of the uncrewed #Starliner spacecraft no earlier than 6:04pm ET Sept. 6 from @Space_Station, pending weather and operational readiness.
— NASA Commercial Crew (@Commercial_Crew) August 29, 2024
More: https://t.co/maW6YVq5Az pic.twitter.com/xH88RZs82H
মহাকাশত 12 সপ্তাহ কটোৱাৰ পিছত বয়িঙৰ ষ্টাৰলাইনাৰ মহাকাশযানখনে আন্তঃৰাষ্ট্ৰীয় মহাকাশ কেন্দ্ৰৰ পৰা পৃথিৱীলৈ ঘূৰি আহিব বুলি নাছাই প্ৰকাশ কৰিছে । অৱশ্যে সুনীতা উইলিয়ামছ আৰু বাচ্চ উইলম’ৰৰ ঘূৰি নাহে। মহাকাশচাৰী সুনীতা উইলিয়ামছ আৰু বাচ্চ উইলম’ৰক লৈ যোৱা 5 জুনত মহাকাশলৈ উৰা মাৰিছিল বয়িং ষ্টাৰলাইনাৰে । এসপ্তাহৰ পিছত ই ঘূৰি অহাৰ কথা আছিল যদিও মহাকাশযানখনত হিলিয়াম লিক হোৱা আৰু থ্ৰাষ্টাৰৰ বিজুতিৰ বাবে ই পৃথিৱীলৈ ঘূৰি আহিবলৈ সক্ষম হোৱা নাই । নাছাই এতিয়া এই সন্দৰ্ভত তথ্য প্ৰদান কৰিছে । ষ্টাৰলাইনাৰখন ঘূৰি আহিলেও মহাকাশ কেন্দ্ৰতেই থাকিব লাগিব সুনীতা উইলিয়ামছ আৰু বুচ উইলম’ৰ ।
নাছা কয়, "ষ্টাৰলাইনাৰ মহাকাশযানখন পৃথিৱীলৈ ঘূৰি আহিব । ইয়াক হিউষ্টনৰ ষ্টাৰলাইনাৰ মিছন কণ্ট্ৰ'ল আৰু ফ্ল'ৰিডাৰ বয়িং মিছন কণ্ট্ৰ'ল চেণ্টাৰৰ ফ্লাইট কণ্ট্ৰ'লাৰৰ দ্বাৰা পৰিচালিত কৰা হ'ব । আন্তৰ্জাতিক মহাকাশ কেন্দ্ৰৰ পৰা আনডকিং কৰাৰ পিছত মহাকাশযানখন নিউ মেক্সিকোৰ হোৱাইট ছেণ্ডছ স্পেচ হাৰ্বাৰত অৱতৰণ কৰিব ।"
ষ্টাৰলাইনাৰৰ বৃহৎ ক্ষতি
মহাকাশলৈ যোৱাৰ পিছত বয়িং ষ্টাৰলাইনাৰৰ বৃহৎ ক্ষতি হৈছে । সেয়ে ইয়াৰ ডিজাইন আৰু মেৰামতিৰ বাবে কোম্পানীয়ে বহু টকা খৰচ কৰিব লাগিব বুলি জানিব পৰা গৈছে । ইতিমধ্যে কোম্পানীটোৱে জনাইছে যে ষ্টাৰলাইনাৰৰ বাবে প্ৰায় 1.5 বিলিয়ন ডলাৰ ব্যয় হৈছে ।
নাছাৰ বিল নেলছনে কয়, “মহাকাশত উৰণ বিপদজনক । আনকি ইয়াৰ আটাইতকৈ নিৰাপদ অৱস্থাতো । পৰীক্ষামূলক উৰণ, স্বাভাৱিকতে আৰু নিৰাপদ নহয় । গতিকে, সুনীতা আৰু বাচ্চক আন্তঃৰাষ্ট্ৰীয় মহাকাশ কেন্দ্ৰত ৰখাৰ সিদ্ধান্ত লোৱা হৈছে আৰু বয়িং ষ্টাৰলাইনাৰখন ক্ৰু নোহোৱাকৈ ঘৰলৈ অনাৰ সিদ্ধান্তটো মহাকাশচাৰী দুজনৰ নিৰাপত্তাৰ প্ৰতি গুৰুত্ব দি গ্ৰহণ কৰা হৈছে ।”
