কাৰ্বি আংলং : কাৰ্বি আংলঙত ভূমিকম্পৰ জোকৰণি । শুকুৰবাৰে মাজনিশা অসমৰ পাহাৰীয়া জিলাখনত এক মৃদু ভূমিকম্পৰ জোকাৰণি অনুভূত হয় ।
ৰিখটাৰ স্কেলত ২.৯ প্ৰাবল্যৰ ভূমিকম্পই কাৰ্বি আংলং জিলাক জোকাৰি যায় । ৰাষ্ট্ৰীয় ভূকম্পন কেন্দ্ৰই (নেচনেল চেণ্টাৰ ফৰ ছিছম'লজী, এন চি এছ এই কথা প্ৰকাশ কৰিছে । ৰাষ্ট্ৰীয় ভূকম্পন কেন্দ্ৰৰ (এন চি এছ) মতে, শনিবাৰে পুৱতি নিশা প্ৰায় ২.৪০ বজাত এই ভূকম্পনৰ জোকাৰণি ৰেকৰ্ড কৰা হয় । ভূমিকেন্দ্ৰটোৰ অভিকেন্দ্ৰ কাৰ্বি আংলং অঞ্চলত কেন্দ্ৰীভূত আৰু ২৫ কিলোমিটাৰ গভীৰতাত ।
ভূমিকম্পটো সন্দৰ্ভত ৰাষ্ট্ৰীয় ভূকম্পন কেন্দ্ৰই অফিচিয়েল X একাউণ্টত লিখিছে, "ভাৰতীয় সময় মতে ৩০-১১-২০২৪ তাৰিখে পুৱা ২.৪০ বজাত এটা ২.৯ প্ৰাবল্যৰ ভূমিকম্পৰ জোকাৰণি ২৬.২৩ উত্তৰ অক্ষাংশ আৰু ৯২.৮৩ পূব দ্ৰাঘিমাংশত অনুভূত হয় । ইয়াৰ অভিকেন্দ্ৰ হৈছে কাৰ্বি আংলং আৰু গভীৰতা ২৫ কিলোমিটাৰ ।"
EQ of M: 2.9, On: 30/11/2024 02:40:11 IST, Lat: 26.23 N, Long: 92.83 E, Depth: 25 Km, Location: Karbi Anglong, Assam.
— National Center for Seismology (@NCS_Earthquake) November 29, 2024
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/9CXT4gSioy
‘‘EQ of M: 2.9, On: 30/11/2024 02:40:11 IST, Lat: 26.23 N, Long: 92.83 E, Depth: 25 Km, Location: Karbi Anglong, Assam.’’ ৰাষ্ট্ৰীয় ভূমিকম্প বিজ্ঞান কেন্দ্ৰই X ৰ এটা পোষ্টত এইদৰে উল্লেখ কৰে । সংবাদ সংস্থা ANI ৰ তথ্য মতে, বাতৰি যুগুত কৰা পৰলৈকে জিলাখনত কোনোধৰণৰ ক্ষয়-ক্ষতিৰ খবৰ লাভ কৰা নাই ৷
আনহাতে, বিগত শনিবাৰে (২৩ নৱেম্বৰ) এক মৃদু ভূমিকম্পই জোকাৰি যায় অসমৰ পাহাৰীয়া জিলা ডিমা হাছাওক ৷ শনিবাৰে ডিমা হাছাও ৩.৮ প্ৰাবল্যৰ ভূমিকম্প হয় ৷ ৰাষ্ট্ৰীয় ভূমিকম্প বিজ্ঞান কেন্দ্ৰই প্ৰকাশ কৰিছে এই তথ্য । ৰাষ্ট্ৰীয় ভূমিকম্প বিজ্ঞান কেন্দ্ৰৰ তথ্য অনুসৰি, শনিবাৰে নিশা প্ৰায় ১১ বজাত এই ভূমিকম্পটো ডিমা হাছাও অঞ্চলৰ চাৰিওফালে ১০ কিলোমিটাৰ গভীৰতাত কেন্দ্ৰীভূত হৈছিল ৷
