স্প’ৰ্টছ ডেস্ক, 4 জুন: প্ৰধানমন্ত্ৰী নৰেন্দ্ৰ মোদীয়ে বৃহস্পতিবাৰে নিজৰ বাসগৃহত আই চি চি টি-২০ বিশ্বকাপ বিজয়ী ভাৰতীয় ক্ৰিকেট দলটোক সাক্ষাৎ কৰে । এই ট্ৰফী লাভ কৰাৰ পাঁচদিনৰ পাচত বৃহস্পতিবাৰে পুৱা ৬ বজাত বাৰ্বাডোছৰ পৰা দিল্লীৰ বিমানবন্দৰৰ টি-৩ ত উপস্থিত হয় টীম ইণ্ডিয়া । বিশেষ এয়াৰ ইণ্ডিয়া চাৰ্টাৰ বিমান AIC24WC য়ে দলটোক হাৰিকেন ক্ষতিগ্ৰস্ত দ্বীপৰ পৰা দিল্লীলৈ লৈ যাবলৈ সময় লাগিছিল ১৬.৫ ঘন্টা । হোটেল আই টি চি মৌৰ্য পোৱাৰ কেইঘণ্টামান পিচতে ৰোহিত শৰ্মা আৰু টীমৰ বাকী খেলুৱৈৰ লগতে, বিচিচিআইৰ সভাপতি ৰ’জাৰ বিনি আৰু সম্পাদক জয় শ্বাহে প্ৰধানমন্ত্ৰী মোদীক তেওঁৰ চৰকাৰী বাসগৃহত সাক্ষাৎ কৰে ।
বৈঠকৰ পিচত প্ৰধানমন্ত্ৰীয়ে কয় যে খেলুৱৈসকলৰ সৈতে তেওঁলোকৰ প্ৰতিযোগিতাৰ অভিজ্ঞতাৰ বিষয়ে কথা-বতৰা পাতিছিল । প্ৰধানমন্ত্ৰী মোদীয়ে নিজৰ এক্স হেণ্ডেলত লিখিছে, "আমাৰ চেম্পিয়নসকলৰ সৈতে এক উৎকৃষ্ট সাক্ষাৎকাৰ ! ৭, এল কে এমত বিশ্বকাপ বিজয়ী দলটোক আতিথ্য প্ৰদান কৰিছিলো আৰু প্ৰতিযোগিতাখনৰ জৰিয়তে তেওঁলোকৰ অভিজ্ঞতাৰ ওপৰত কথা-বতৰা পাতিছিলো ।"
An excellent meeting with our Champions!
— Narendra Modi (@narendramodi) July 4, 2024
Hosted the World Cup winning team at 7, LKM and had a memorable conversation on their experiences through the tournament. pic.twitter.com/roqhyQRTnn
বৈঠকৰ সময়ত জে শ্বাহ আৰু ৰ’জাৰ বিনিয়ে তেওঁক এটা ভাৰতীয় জাৰ্চি উপহাৰ দিয়ে য'ত প্ৰথম নম্বৰ আৰু "নমো" লিখা আছিল । "বিজয়ী ভাৰতীয় ক্ৰিকেট দলটো আজি দেশত উপস্থিত হোৱাৰ লগে লগে ভাৰতৰ সন্মানীয় প্ৰধানমন্ত্ৰী শ্ৰীযুত নৰেন্দ্ৰ মোদীজীৰ চৰকাৰী বাসগৃহত সাক্ষাৎ কৰে । মহাশয়, আপোনাৰ প্ৰেৰণাদায়ক বাক্য আৰু টীম ইণ্ডিয়ালৈ আগবঢ়োৱা অমূল্য সহায়ৰ বাবে আমি আপোনাক আন্তৰিক ধন্যবাদ জ্ঞাপন কৰিছো ।" বিচিচিআইয়ে তেওঁলোকৰ এক্স পোষ্টত লিখিছে ।
