স্প’ৰ্টছ ডেস্ক, 30 আগষ্ট: ভাৰতীয় মহিলা পেৰা-দৌৰবিদ প্ৰীতি পালৰ পেৰিছ পেৰালিম্পিক 2024 ত সফলতা ৷ প্ৰতিযোগিতাৰ তৃতীয় দিনা দেশৰ হৈ ব্ৰঞ্জৰ পদক অৰ্জন কৰে খেলুৱৈগৰাকীয়ে ৷ মহিলাৰ 100 মিটাৰ টি-35 ইভেণ্টত এই পদক জয় কৰিবলৈ সক্ষম হয় প্ৰীতিয়ে ৷ খেলুৱৈগৰাকীয়ে 14.21 ছেকেণ্ডৰ ব্যক্তিগত শ্ৰেষ্ঠ সময়ত মহিলাৰ 100 মিটাৰ (টি 35 - এম্বুলেটৰী এথলীট) ইভেণ্টত ব্ৰঞ্জৰ পদক দখল কৰে ।
Medal Alert🚨
— SAI Media (@Media_SAI) August 30, 2024
3⃣rd🎖️medal for #TeamIndia as Preeti Pal glows in her debut #Paralympics.
Despite stiff competition, Preeti turned up with her personal best performance.
The 23-year-old finished the 100m run within 14.21 seconds and sealed India's second Bronze so far at the… pic.twitter.com/dTzMnNMgGs
ভাৰতৰ হৈ প্ৰীতি পালৰ ব্ৰঞ্জৰ পদক
23 বছৰীয়া প্ৰীতি পালে পেৰিছ পেৰালিম্পিক 2024 ত অৰ্জন কৰিছে ব্ৰঞ্জৰ পদক ৷ পেৰা-এথলেটিকছ খেলুৱৈসকলৰ মাজত এয়া ভাৰতৰ প্ৰথমটো পদক ৷
চীনৰ ঝৌ জিয়া(13.58 ছেকেণ্ড) আৰু গুও কিয়ানকিয়ানে (13.74 ছেকেণ্ড) এই ইভেণ্টত ক্ৰমে সোণ আৰু ৰূপৰ পদক অৰ্জন কৰে । প্ৰতিযোগিতাখনৰ তৃতীয় দিনা প্ৰীতি পালে ব্ৰঞ্জৰ পদক জয় কৰি দেশক দিনটোৰ তৃতীয়টো পদক প্ৰদান কৰে ।
𝐍𝐞𝐰𝐬 𝐅𝐥𝐚𝐬𝐡: 𝟑𝐫𝐝 𝐦𝐞𝐝𝐚𝐥 𝐟𝐨𝐫 𝐈𝐧𝐝𝐢𝐚 𝐚𝐭 𝐏𝐚𝐫𝐢𝐬 𝐏𝐚𝐫𝐚𝐥𝐲𝐦𝐩𝐢𝐜𝐬 🔥
— India_AllSports (@India_AllSports) August 30, 2024
Preethi Pal wins Bronze medal in 100m (T35) clocking her PB 14.31s @afiindia #Paralympics2024 #Paris2024 pic.twitter.com/0Ge5JqW78h
ইয়াৰ পূৰ্বে শুকুৰবাৰৰ দিনটোত অৱনী লেখাৰা আৰু মোনা আগৰৱালে শ্বুটিঙত ক্ৰমে স্বৰ্ণ আৰু ব্ৰঞ্জৰ পদক জয় কৰিছিল । তেওঁলোক দুয়োগৰাকীয়ে পেৰালিম্পিকত ভাৰতৰ হৈ পদক মুকলি কৰে ।
বৰ্তমানলৈকে প্ৰীতি পালৰ যাত্ৰা এনেধৰণৰ
টি 35 শাখাৰ খেলসমূহ হাইপাৰটোনিয়া, এটেক্সিয়া, চেৰিব্ৰেল পালচি আৰু এথেট’চিছৰ দৰে ৰোগত আক্ৰান্ত খেলুৱৈসকলৰ বাবে অনুষ্ঠিত কৰা হয় । এই মেগা ইভেণ্টত অংশগ্ৰহণৰ পূৰ্বে প্ৰীতি পালৰ প্ৰদৰ্শন যথেষ্ট আকৰ্ষণীয় আছিল ।
পালে বিশ্ব পেৰা এথলেটিকছ চেম্পিয়নশ্বিপ(2024) ত দুটা ব্ৰঞ্জৰ পদক, ইণ্ডিয়ান অ’পেন পেৰা এথলেটিকছ আন্তঃৰাষ্ট্ৰীয় চেম্পিয়নশ্বিপ(2024) আৰু ৰাষ্ট্ৰীয় পেৰা এথলেটিকছ চেম্পিয়নশ্বিপ (2024) ত দুটাকৈ সোণৰ পদক লাভ কৰিছে ।
