স্প’ৰ্টছ ডেস্ক, 27 আগষ্ট: ভাৰতীয় ক্ৰিকেট দলৰ তাৰকা বেটছমেন বিৰাট কোহলীয়ে নিজৰ সুকীয়া বেটিং শৈলীৰে মোহাচ্ছন্ন কৰি ৰাখিছে সমগ্ৰ বিশ্বক ৷ এসময়ৰ বিৰাটৰ প্ৰতিদ্বন্দ্বীসকলেও বৰ্তমান ক্ৰিকেটাৰগৰাকীৰ অনুৰাগীত পৰিণত হৈছে ৷ ইংলেণ্ডৰ প্ৰাক্তন দ্ৰুত বলাৰ জেমছ এণ্ডাৰছনো হৈ পৰিছে বিৰাট কোহলীৰ অনুৰাগী ৷
James Anderson said - " virat kohli is the greatest finisher and greatest white ball player in the history". (tailenders podcast). pic.twitter.com/Q5vdNIpD4x
— Tanuj Singh (@ImTanujSingh) August 27, 2024
শেহতীয়াকৈ এণ্ডাৰছনে কোহলীক প্ৰশংসাৰে উপচাই পেলাই ক্ৰিকেটাৰগৰাকীৰ সন্দৰ্ভত কৰিছে বৃহৎ মন্তব্য ৷ এক ব্যক্তিগত পডকাষ্টত হোৱ বাৰ্তালাপৰ সময়ত ভাৰতৰ তাৰকা ক্ৰিকেটাৰগৰাকীৰ প্ৰশংসাৰে পঞ্চমুখ হৈ পৰে জেমছ এণ্ডাৰছন ৷
কোহলীক শ্ৰেষ্ঠ ফিনিচাৰ হিচাপে অভিহিত এণ্ডাৰছনৰ
"বিৰাট কোহলী হৈছে ইতিহাসৰ সৰ্বশ্ৰেষ্ঠ ফিনিচাৰ আৰু সৰ্বশ্ৰেষ্ঠ বগা বলৰ খেলুৱৈ । ইতিহাসৰ দ্বিতীয় নম্বৰত বেটিং কৰা আৰু এটা স্ক’ৰ অনুসৰণ কৰাত বিৰাট কোহলীতকৈ ভাল বেটছমেন আছে নে নাই মই নাজানো, কিন্তু তেওঁ সৰ্বশ্ৰেষ্ঠ । বিৰাট হৈছে সৰ্বকালৰ সৰ্বশ্ৰেষ্ঠ বগা বলৰ খেলুৱৈ । বিশেষকৈ দ্বিতীয় ইনিংছত তেওঁ ৰাণ সংগ্ৰহ কৰাৰ সময়ত আৰু ভাৰতৰ হৈ মেচ জিকাৰ সময়ত কৰা শতকৰ সংখ্যা অবিশ্বাস্য । তেওঁৰ অভিলেখটো কেৱল আশ্চৰ্যজনক" বুলি এণ্ডাৰছনে ৷
James Anderson said - " virat kohli is the greatest white ball player ever. the amount of hundred he scored especially in run chase in second innings and won games for india is ridiculous. his records is just phenomenal". (tailenders podcast). pic.twitter.com/shezDy14Pp
— Tanuj Singh (@ImTanujSingh) August 27, 2024
জেমছ এণ্ডাৰছনে শেহতীয়াকৈ জুলাইত ৱেষ্ট ইণ্ডিজৰ বিৰুদ্ধে তেওঁৰ অন্তিমখন আন্তঃৰাষ্ট্ৰীয় মেচ খেলিছিল । এণ্ডাৰছনে টি-20 আৰু এদিনীয়া খেলৰ পৰা অৱসৰ লোৱাৰ পাছত চলিত বৰ্ষৰ জুলাইত টেষ্ট ক্ৰিকেটৰ পৰাও অৱসৰ ঘোষণা কৰে ৷ এই দ্ৰুত বলাৰজনে তেওঁৰ আন্তঃৰাষ্ট্ৰীয় কেৰিয়াৰত 703 টা উইকেট অৰ্জন কৰিছিল ।
James Anderson said - " i don't know if there's been a better batter in the history in batting second and chasing scores than virat kohli. he's the best". (tailenders podcast). pic.twitter.com/glK3Rqz9Ag
— Tanuj Singh (@ImTanujSingh) August 27, 2024
একে সময়তে বিৰাট কোহলীয়েও টি-20 ক্ৰিকেটৰ পৰা অৱসৰ লৈছে । কিন্তু বিৰাটে এদিনীয়া আৰু টেষ্টত নিজৰ শৈলী অব্যাহত ৰাখিব । তেওঁক ছেপ্টেম্বৰত বাংলাদেশৰ বিৰুদ্ধে অনুষ্ঠিত হ’বলগীয়া টেষ্ট শৃংখলাত দেখা যাব ।
