স্প’ৰ্টছ ডেস্ক: আই চি চি চেম্পিয়নছ ট্ৰফী 2025 ক’ত আৰু কেতিয়া অনুষ্ঠিত হ’ব ? এয়া হৈছে বিশ্ব ক্ৰিকেটত বৰ্তমান সময়ৰ আটাইতকৈ ডাঙৰ প্ৰশ্ন ৷ ইতিমধ্যে পাকিস্তানে এই প্ৰতিযোগিতাৰ আয়োজকৰ দায়িত্বত থাকি ঘোষণা কৰিছে সকলো কাৰ্যসূচী ৷
আনহাতে, সৰ্বাধিক ৰাজহ উপাৰ্জন কৰাৰ ক্ষেত্ৰত থকা সামৰ্থৰ বাবে ভাৰতক বিশ্ব ক্ৰিকেটত সৰ্বাধিক শক্তি থকা দেশ হিচাপে গণ্য কৰা হৈছে ৷ সেয়েহে যিকোনো আই চি চি ইভেণ্টত ভাৰতৰ অংশগ্ৰহণ সৰ্বাধিক গুৰুত্বপূৰ্ণ । ভাৰতৰ অবিহনে কোনো আই চি চি অনুষ্ঠান আয়োজন কৰাৰ কথা কল্পনা কৰিব নোৱাৰি ।
চেম্পিয়নছ ট্ৰফীক লৈ সমুখ সমৰত ভাৰত-পাকিস্তান
ভাৰতীয় ক্ৰিকেট নিয়ন্ত্ৰণ ব’ৰ্ড (বি চি চি আই) আৰু পাকিস্তান ক্ৰিকেট ব’ৰ্ড (পি চি বি) ৰ মাজত চেম্পিয়নছ ট্ৰফীক লৈ অব্যাহত আছে বিবাদ ৷ বি চি চি আইয়ে আই চি চি-ক ইতিমধ্যে চেম্পিয়নছ ট্ৰফীৰ বাবে ভাৰতে পাকিস্তান ভ্ৰমণ নকৰে বুলি জনাইছে ।
Ramiz Raja once said - " pcb's 50% budget comes from icc funding & 90% of icc revenues are generated from india. if india stops funding icc, then pcb might collapse."#ChampionsTrophy2025 pic.twitter.com/WIqeLjIgAN
— Richard Kettleborough (@RichKettle07) November 14, 2024
ৰাজনৈতিক ভেদাভেদৰ লগতে সুৰক্ষাজনিত কাৰণৰ বাবে দীৰ্ঘদিন ধৰি ভাৰত আৰু পাকিস্তানে অংশগ্ৰহণ কৰা নাই কোনো দ্বি-পাক্ষিক শৃংখলাত ৷ দুয়োটা চিৰপ্ৰতিদ্বন্দ্বী দলে কেৱল আই চি চি আৰু এছিয়ান ক্ৰিকেট পৰিষদৰ ইভেণ্টত ইটোৱে সিটোৰ বিৰুদ্ধে খেলত অৱতীৰ্ণ হয় ।
হাইব্ৰিড মডেলৰ বাবে সন্মত নহয় পি চি বি
ভাৰতে শেষবাৰৰ বাবে 2006 চনত পাকিস্তান ভ্ৰমণ কৰিছিল । সম্প্ৰতি ভাৰতে পাকিস্তান ভ্ৰমণ কৰিবলৈ অস্বীকাৰ কৰাৰ পিছত, পি চি বি-য়ে গ্ৰহণ কৰিছে কঠোৰ স্থিতি ।
What a twist! BCCI is proving to be the real boss. The Pakistan Cricket Board, which was making so much noise, now has to stay quiet. Word is that Pakistan might opt out of the 2025 Champions Trophy because India has confirmed it won’t allow Indian cricket team Pakistan to… pic.twitter.com/oi9k4qH0cQ
— Statpadder (@The_statpadder) November 14, 2024
পি চি বিয়ে কৈছে যে, হাইব্ৰিড মডেল তেওঁলোকৰ ফৰ্মূলাৰ বাহিৰত । বি চি চি আইয়ে পাকিস্তান ভ্ৰমণ কৰিবলৈ অস্বীকাৰ কৰাৰ কাৰণসমূহ বৰ্ণনা কৰি এক লিখিত পত্ৰ প্ৰেৰণ কৰাৰ বাবেও আই চি চিক বিশেষ পত্ৰযোগে অনুৰোধ জনাইছে পাকিস্তান ক্ৰিকেট ব’ৰ্ডে ৷
Breaking News 🚨
— Richard Kettleborough (@RichKettle07) November 14, 2024
India 🇮🇳 emerges as the front runner to host 2025 Champions Trophy if Pakistan 🇵🇰 pulls out 😯#ChampionsTrophy2025 pic.twitter.com/kvSMaOlpeI
পি চি বি বা বি চি চি আই কোনোৱেই চেম্পিয়নছ ট্ৰফী 2025 ৰ সন্দৰ্ভত তেওঁলোকৰ বৰ্তমানৰ স্থিতিলৈ ঘূৰি যাবলৈ সাজু নহয় । এনে পৰিস্থিতিত এই বিষয়টো সমাধান কৰাৰ দায়িত্ব পৰিছে আই চি চি-ৰ কান্ধত ৷
চেম্পিয়নছ ট্ৰফী অনুষ্ঠিত কৰাৰ ক্ষেত্ৰত আই চি চিৰ ওচৰত আছে তিনি বিকল্প
- হাইব্ৰিড মডেল সন্দৰ্ভত পাকিস্তান ক্ৰিকেট ব’ৰ্ডক সন্মত কৰোৱা, যাৰ অধীনত প্ৰতিযোগিতাখনৰ 15 খন মেচৰ 5 খন মেচ অনুষ্ঠিত হ’ব সংযুক্ত আৰৱ আমিৰশ্বাহীত ৷
- আয়োজকৰ দায়িত্বত থকা পি চি বিৰ হাতৰ পৰা এই দায়িত্ব সম্পূৰ্ণৰূপে বাতিল কৰা ৷ অৱশ্যে এনে কৰিলে ব’ৰ্ডখনে নিজৰ দলটোৰ নাম প্ৰতিযোগিতাৰ পৰা প্ৰত্যাহাৰ কৰিব পাৰে ৷
- অনিৰ্দিষ্টকাললৈ স্থগিত ৰাখিব পাৰে চেম্পিয়নছ ট্ৰফী 2025 ৷ কিন্তু এনে সিদ্ধান্তৰ ফলত আই চি চি আৰু পি চি বি দুয়োখন ব’ৰ্ডৰে ৰাজহৰ ওপৰত বৃহৎ প্ৰভাৱ পৰাৰ সম্ভাৱনা আছে ৷
লগতে পঢ়ক: পাকিস্তানৰ সলনি দক্ষিণ আফ্ৰিকাত হ’ব চেম্পিয়নছ ট্ৰফী !
