Bad Cholesterol ক সিৰাৰ পৰা বাহিৰ কৰিব এই ৫বিধ পাতে

Bad Cholesterol: যদি শৰীৰত বেয়া কলেষ্টেৰলৰ মাত্ৰা বাঢ়িবলৈ আৰম্ভ কৰে, তেন্তে কেৱল ঔষধেই নহয় ঘৰুৱা উপায়েও ইয়াক হ্ৰাস কৰাত অতি ফলপ্ৰসূ বুলি প্ৰমাণিত হয় । বিশেষকৈ কিছুমান সেউজীয়া পাতৰ এনে ঔষধি গুণ থাকে, যিয়ে কলেষ্টেৰলৰ মাত্ৰা বজাই ৰখাত অতি সহায়ক ।

কলেষ্টেৰল হৈছে এক প্ৰকাৰৰ চৰ্বি, যিয়ে শৰীৰৰ বাবে কোষ আৰু হৰম’ন তৈয়াৰ কৰাৰ কাম কৰে ৷ কিন্তু যেতিয়া ইয়াৰ মাত্ৰা শৰীৰত বাঢ়িবলৈ আৰম্ভ কৰে তেতিয়া বহুতো স্বাস্থ্যজনিত সমস্যাও হ’বলৈ আৰম্ভ কৰে ৷ বয়স অনুপাতে শৰীৰত কলেষ্টেৰলৰ নিৰাপদ মাত্ৰা ভিন্ন হয় ৷

উল্লেখ্য যে, কলেষ্টেৰলৰ মাত্ৰা বৃদ্ধি হোৱাটো আপোনাৰ অনিয়মিত জীৱনশৈলীৰ ফল ৷ অৱশ্যে ঔষধ সেৱন কৰিও ইয়াক মেইনটেইন কৰিব পাৰে ৷ কিন্তু এই ঔষধ আপুনি দৈনিক এদিনো বাদ নপৰাকৈ খাব লাগিব ৷ এনে পৰিস্থিতিত প্ৰথম অৱস্থাত প্ৰাকৃতিক পদ্ধতিৰ সহায়ত ইয়াক নিয়ন্ত্ৰণ কৰিবলৈ চেষ্টা কৰাটো ভাল ৷

• নৰসিংহৰ পাত

শৰীৰৰ বেয়া কলেষ্টেৰল কমোৱাত নৰসিংহৰ পাত অতি ফলপ্ৰসূ ৷ ইয়াৰ কাৰণ হ’ল ইয়াত থকা এন্টিঅক্সিডেন্ট, যি আমাৰ ভাল কলেষ্টেৰল বৃদ্ধিৰ বাবে অতি প্ৰয়োজনীয় ৷

খোৱাৰ পদ্ধতি

নৰসিংহ পাতৰ সুফল পাবলৈ আপুনি দৈনিক ৰন্ধনত ৮-১০ টা পাত ব্যৱহাৰ কৰিব পাৰে ৷ ইয়াৰ ৰস প্ৰস্তুত কৰি পান কৰিব পাৰে ৷ কিন্তু ইয়াৰ আগতে নিশ্চিতভাৱে আপোনাৰ স্বাস্থ্য বিশেষজ্ঞৰ পৰামৰ্শ গ্ৰহণ কৰক ৷

• ধনীয়াৰ পাত

প্ৰত্যেক ঘৰতে ধনীয়া পাত ৰন্ধা-বঢ়াত ব্যৱহাৰ কৰা হয় ৷ কিন্তু বেছিভাগ মানুহেই নাজানে যে খাদ্যৰ সোৱাদ উন্নত কৰাৰ লগতে ই স্বাস্থ্য উন্নত কৰাৰ ক্ষেত্ৰতো অতি উপকাৰী ৷ নিয়মিতভাৱে সেৱন কৰিলে আপুনি উচ্চ কলেষ্টেৰলৰ সমস্যা নিৰাময় কৰিব পাৰে ৷

খোৱাৰ পদ্ধতি

ধনীয়া পাত চালাডত দি বা চাটনি বনাইও খাব পাৰে ৷

• জামুৰ পাত

যদি আপুনি কলেষ্টেৰল হ্ৰাস কৰাৰ ঘৰুৱা উপায় বিচাৰিছে তেন্তে জামুৰ পাত আপোনাৰ বাবে সৰ্বোত্তম বিকল্প ৷ দৰাচলতে ইয়াৰ এন্টিঅক্সিডেন্ট আৰু এন্থ’চাইনিনৰ দৰে গুণ আছে, যিয়ে সিৰাত জমা হোৱা চৰ্বি হ্ৰাস কৰাৰ কাম কৰে ৷

খোৱাৰ পদ্ধতি

জামুৰ পাত গুড়িৰ ৰূপত খাব পাৰে ৷ অথবা ইয়াৰ চাহ তৈয়াৰ কৰিও দিনটোত ১-২ বাৰ খাব পাৰে ৷

• মেথিৰ পাত

এই অধ্যয়নত মেথিৰ পাতত থকা ঔষধি গুণৰ লগত শৰীৰত জমা হোৱা বেয়া কলেষ্টেৰল আৰু ট্ৰাইগ্লিচাৰাইডৰ স্বাস্থ্যসন্মত মাত্ৰাৰ সম্পৰ্ক থকা দেখা গৈছে ৷ এনে পৰিস্থিতিত উচ্চ কলেষ্টেৰল স্বাভাৱিক কৰিবলৈ মেথি পাত সেৱন কৰিব পাৰে ৷

খোৱাৰ পদ্ধতি

সাধাৰণ পাচলি হিচাপে মেথি পাত খাব পাৰে ৷

• তুলসীৰ পাত

কলেষ্টেৰলৰ মাত্ৰা স্বাভাৱিক কৰাত তুলসীৰ পাত অতি উপকাৰী বুলি প্ৰমাণিত হৈছে ৷ আচলতে ইয়াত থকা প্ৰাকৃতিক গুণবোৰে বিপাকীয় চাপ কম কৰাৰ কাম কৰে ৷ যিয়ে শৰীৰৰ ওজন আৰু সঠিক কলেষ্টেৰল বজাই ৰখাত সহায় কৰে ৷

খোৱাৰ পদ্ধতি

প্ৰতিদিনে পুৱা খালী পেটত তুলসীৰ পাত খাব পাৰে ৷ আপুনি ৫-৬ টা পাত ভালদৰে চাফাকৈ ধুই গ্ৰহণ কৰিব পাৰে ৷

লগতে পঢ়ক: গৰ্ভৱতী মহিলাসকলে কেনেকুৱা ধৰণে স্বাস্থ্যৰ যতন ল'ব লাগে ?