আমি পুৱা সাৰ পোৱাৰ পিছত সদায়ে শৰীৰৰ যত্ন লোৱাটো উচিত ৷ কিয়নো, শৰীৰৰ এটা অংশ অসুস্থ হৈ পৰাৰ ফলত এগৰাকী ব্য়ক্তিৰ সুস্থ শৰীৰ গঢ়ি তোলাৰ সপোন ভাঙি পৰিব পাৰে ৷ বহুলোকে পুৱা শুই উঠিয়ে কিছুমান ডাঙৰ ভুল কৰে যিয়ে তেওঁলোকৰ শৰীৰটোক যথেষ্ট ক্ষতি কৰিব পাৰে ৷ এই ক্ষতিবোৰ পিছলৈ গৈ ইমানে বেছি গুৰুতৰ হৈ উঠে যে শৰীৰৰ প্ৰতিটো অংগ অসুস্থ হৈ পৰিব পাৰে ৷ স্বাস্থ্যৰ সৈতে সম্পৰ্কিত পুৱাৰ এনে কিছুমান ভাল আৰু বেয়া অভ্যাসৰ বিষয়ে আজি সৱিশেষ জানো আহক-
পুৱা কি কৰা উচিত ?
সোনকালে উঠাৰ অভ্যাস কৰক
দিনটো ভালদৰে পাৰ কৰিবলৈ পুৱা সোনকালে উঠাটো খুবেই দৰকাৰী ৷ বিশেষকৈ সূৰ্য্যোদয়ৰ আগতে উঠিব পাৰিলে খুবেই ভাল ৷ ই আপোনাক গোটেই দিনটো সতেজ অনুভৱ কৰোৱাৰ লগতে বহু ৰোগৰ পৰা সুৰক্ষাও দিয়ে ৷ সোনকালে উঠিলে আপুনি গোটেই দিনটোত বহু কাম কৰিব পৰাকৈ অধিক সময় পাব ৷
তামৰ পাত্ৰৰ পানী খাব
তামৰ কেলচিয়াম, আইৰণ, জিংক, এণ্টি অক্সিডেণ্ট, এণ্টি বেক্টেৰিয়া আদিৰ দৰে গুণ আছে ৷ সেয়েহে পুৱা তামৰ পাত্ৰত খোৱা পানী শৰীৰৰ বাবে উপকাৰী বুলি গণ্য কৰা হয় ৷ ই পেটৰ সমস্যাসমূহ আঁতৰ কৰি উন্নত শাৰীৰিক বিকাশত সহায় কৰে ৷
যোগ-ধ্যান কৰক
জীৱনটো স্বাস্থ্যৱান হৈ উপভোগ কৰিবলৈ যোগ আৰু ধ্যান হৈছে সৰ্বশ্ৰেষ্ঠ বিকল্প ৷ সেয়েহে আপোনাৰ পেশীবোৰ সক্ৰিয় কৰি তুলিবলৈ আৰু নমনীয়তা বৃদ্ধি কৰিবলৈ শুই উঠি কিছুমান কোমল যোগাসন আৰু ব্যায়াম কৰাৰ অভ্যাস গঢ়ি তোলক ৷ ইয়াৰ ফলত শৰীৰৰ জঠৰতা দূৰ হ’ব আৰু ৰক্ত সঞ্চালন বৃদ্ধি পাব ৷
তেল মালিছ
পুৱা শৰীৰত তেল মালিছ কৰিলে ছিদ্ৰবোৰ খোলে আৰু উন্নত ৰক্ত সঞ্চালন হয় ৷যাৰ ফলত ছালখনে গভীৰ পুষ্টি লাভ কৰে ৷ সেয়েহে, গা ধোৱাৰ আগতে দৈনিক তেল মালিছ কৰাটো অভ্যাসত পৰিণত কৰিব লাগে ৷
দিনটোৰ পৰিকল্পনা কৰক
কেইমিনিটমান সময় উলিয়াই আপোনাৰ কৰিবলগীয়া কামৰ তালিকাখন পৰ্যালোচনা কৰক আৰু দিনটোৰ বাবে আপোনাৰ কামবোৰ পৰিকল্পনা কৰক ৷
পুৱাৰ আহাৰ গ্ৰহণ
সময় হৈছে এক বহুমূলীয়া সম্পদ ৷ প্ৰত্যেকদিনাই মূল্যৱান সময় উপভোগ কৰাৰ লগতে পুৱাই আহাৰ গ্ৰহণ কৰাটো অত্যন্ত প্ৰয়োজনীয় ৷ দিনটোৰ বাবে কৰিবলগীয়া কামৰ বাবে পুৱাৰ ভাগতেই আহৰণ কৰিব লাগে শক্তি ৷ সেয়েহে সকলোৱে পুৱাই আহাৰ গ্ৰহণ কৰাটো অত্যন্ত প্ৰয়োজনীয় ৷
পুৱা কি কৰিব নালাগে
- কিছুসংখ্যক লোকে পুৱা সাৰ পোৱাৰ লগে লগে বিচনাতে চাহ অথবা কফি খাব বিচাৰে ৷ কিন্তু শুই উঠিয়ে বিচনাতে চাহ অথবা কফি খোৱাটো অত্যন্ত বেয়া অভ্যাস ৷ ইয়াৰ সলনি পুৱা সাৰ পোৱাৰ লগে লগে খালী পেটত সদায়ে পানী খাব লাগে ৷ ই শৰীৰৰ যৌগিক প্ৰক্ৰিয়া সক্ৰিয় কৰি তুলে, হজম শক্তি আৰু পাকস্থলী স্বাস্থ্যৱান কৰি ৰাখে ৷
- পলমকৈ সাৰ পোৱাৰ ফলত বহু সংখ্যক লোকে কামলৈ যাবলৈ পলম হোৱাৰ অজুহাতত পুৱাৰ আহাৰ এৰিবলগীয়া হয় ৷ ই শৰীৰত জৈৱ-ৰাসায়নিক প্ৰক্ৰিয়া হ্ৰাস কৰে আৰু শৰীৰৰ ওজন বৃদ্ধি কৰে ৷ গতিকে কেতিয়াও পুৱাৰ আহাৰ বাদ দিব নালাগে ৷ পুৱাৰ আহাৰত আঁহ যুক্ত খাদ্য, প্ৰ’টিন অন্তৰ্ভুক্ত কৰাটো স্বাস্থ্যৰ পক্ষে উপকাৰী ৷
- পুৱা শুই উঠি খোজ কঢ়া, ব্যায়াম আদি নকৰাৰ ফলত শৰীৰ পিছলৈ অলস হৈ পৰিব পাৰে আৰু শৰীৰত বিভিন্ন ৰোগে বাহ ল’ব পাৰে ৷ সেয়েহে হৃদযন্ত্ৰ, মন আৰু শৰীৰৰ অন্যান্য অংশসমূহক স্বাস্থ্যৱান কৰি ৰাখিবলৈ দৈনিক কাৰ্ডিঅ’ ব্যায়াম অথবা খোজ কঢ়াটো নিত্যান্তই প্ৰয়োজনীয় ৷
- পলমকৈ সাৰ পোৱাৰ ফলত বহু সংখ্যক লোকে কামলৈ যাবলৈ পলম হোৱাৰ অজুহাতত পুৱাৰ আহাৰ এৰিবলগীয়া হয় ৷ ই শৰীৰত জৈৱ-ৰাসায়নিক প্ৰক্ৰিয়া হ্ৰাস কৰে আৰু শৰীৰৰ ওজন বৃদ্ধি কৰে ৷ গতিকে কেতিয়াও পুৱাৰ আহাৰ বাদ দিব নালাগে ৷ পুৱাৰ আহাৰত আঁহ যুক্ত খাদ্য, প্ৰ’টিন অন্তৰ্ভুক্ত কৰাটো স্বাস্থ্যৰ পক্ষে উপকাৰী ৷
- মানসিক শান্তিৰ বাবে পুৱাৰ সময়খিনি সকলো ব্যক্তিৰ বাবে অতিকৈ গুৰুত্বপূৰ্ণ ৷ কিয়নো পুৱাৰ সময়ত যদিহে কোনো লোকৰ মনত মানসিক চাপৰ সৃষ্টি হয়, তেনেহ’লে দিনটোৰ বাবে মনটো অশান্তিৰে ভৰি থাকে আৰু কাম-কাজত বিভিন্ন খেলি-মেলিৰ সৃষ্টি হয় ৷ গতিকে পুৱা সাৰ পোৱাৰ লগে লগে সামাজিক মাধ্যমৰ পৰা দূৰৈত থকাই উচিত ৷ ইয়াৰ পৰিৱৰ্তে, পুৱা শুই উঠি অলপ সময় ধ্যান কৰক ৷
- পুৱা সাৰ পোৱাৰ পাছতে বহুলোকৰ ধূমপান কৰাৰ অভ্যাস আছে ৷ই শৰীৰৰ যথেষ্ট ক্ষতি কৰে ৷সেয়েহে পুৱা বা যিকোনো সময়তে ধূমপান পৰিহাৰ কৰিব লাগে ৷ ধূমপান কৰাৰ ফলত শৰীৰত কৰ্কট ৰোগৰ কোষ বিকশিত হয় ৷যাৰ ফলত এইধৰণৰ গুৰুতৰ ৰোগত আক্ৰান্ত হোৱাৰ আশংকা দ্ৰুতগতিত বৃদ্ধি হয় ৷
