চিটাৰা ডেস্ক, ৩ মে' : প্ৰযোজনা গোষ্ঠী তিৰুপতি ব্ৰাদাৰ্ছৰ পৰিচালক-প্ৰযোজক লিংগাস্বামী আৰু সহ প্ৰযোজক সুভাষ চন্দ্ৰ বসুৱে অভিনেতা কমল হাছানৰ বিৰুদ্ধে চুক্তিভংগৰ অভিযোগ দাখিল কৰিছে । ২০১৫ চনৰ উত্তমা ভিলেন নামৰ চলচ্চিত্ৰখনৰ বাবে এই বিতৰ্কৰ উদ্ভৱ হৈছে ।
উল্লেখ্য যে, ছবিখন বাণিজ্যিকভাৱে বিফল হৈছিল আৰু প্ৰযোজনা কোম্পানীটো ঋণত ডুব গৈছিল । ফলস্বৰূপে কমল হাছানে 30 কোটি টকাৰ বাজেটৰ আন এখন চলচ্চিত্ৰত অভিনয় কৰি ইয়াৰ ক্ষতিপূৰণ দিয়াৰ প্ৰতিশ্ৰুতি দিছিল । কিন্তু ন বছৰ ধৰি তেওঁ এই প্ৰতিশ্ৰুতি পালন কৰাত ব্যৰ্থ হৈছে বুলি অভিযোগ কৰা হৈছে ।
আনহাতে, ছবিখনৰ বিষয়ে উল্লেখ কৰিবলৈ গৈ বক্স অফিচত ছবিখনৰ দুৰ্বল প্ৰদৰ্শন এক মুখ্য কাৰক হিচাপে কমল হাছানে চিত্ৰনাট্যত বাৰে বাৰে পৰিৱৰ্তন কৰা বুলি লিংগাস্বামীয়ে উল্লেখ কৰে । ইয়াৰ উপৰি পৰিচালকজনে কয় যে, প্ৰযোজনা কোম্পানীটোৱে সফল মালায়ালম চলচ্চিত্ৰ দৃশ্যমৰ পুনৰ নিৰ্মাণ কৰিব বিচাৰিছিল । কিন্তু কমল হাছানে সেয়া অস্বীকাৰ কৰে । কিন্তু পৰিচালকজনে উল্লেখ কৰা অনুসৰি, ইয়াৰ পৰিৱৰ্তে কমল হাছানে এটা বেলেগ প্ৰযোজনা প্ৰতিষ্ঠানৰ সৈতে ছবিখন নিৰ্মাণ কৰিবলৈ যায় ।
ইফালে সুভাষ চন্দ্ৰ বসুৱে বৰ্তমান বিষয়টো সমাধানত সহায়ৰ বাবে প্ৰযোজক সংস্থাৰ ওচৰলৈও গৈছে । কিন্তু এতিয়ালৈকে পৰিষদে তেওঁক কোনো সঁহাৰি দিয়া নাই ।
উল্লেখ্য যে কমল হাছানৰ চিত্ৰনাট্য আৰু ৰমেশ অৰবিন্দৰ দ্বাৰা পৰিচালিত কমেডি-ড্ৰামা উত্তমা ভিলেন ছবিখন ব্ৰেইন টিউমাৰৰ সৈতে যুঁজি থকা এজন অভিনেতাৰ কাহিনীৰ ওপৰত নিৰ্মিত । তেওঁ মেণ্টৰক তেওঁৰ অন্তিমখন চলচ্চিত্ৰ পৰিচালনা কৰিবলৈ অনুৰোধ কৰে, যাতে ই তেওঁৰ সমস্যাবোৰ সমাধান কৰিব পাৰে । চলচ্চিত্ৰখনত কমল হাছান, কে বিশ্বনাথ, জয়ৰাম, এণ্ড্ৰিয়া জেৰিমিয়া, কে বালাচন্দৰ আৰু উৰ্বশী আদি কলা-কুশলী আছে ।
লগতে পঢ়ক : কৰণ জোহৰৰ ষ্টুডেণ্ট অফ দ্যা ইয়েৰ ৩ ৰ প্ৰস্তাৱ প্রত্যাখ্যান অংকিতা লোখণ্ডেৰ - Ankita Lokhande
