হায়দৰাবাদ : শ্বাহৰুখ খানে তেওঁৰ পুত্ৰ আৰিয়ান খানৰ প্ৰথম ছিৰিজ ঘোষণা কৰিছে আৰু ইয়াৰ মুক্তিৰ বিষয়ে এটা ডাঙৰ আপডেট দিছে । শ্বাহৰুখ খান আৰু গৌৰী খানৰ প্ৰযোজনা গৃহ ৰেড চিলিজে আৰিয়ান খানৰ প্ৰথম ছিৰিজৰ বাবে নেটফ্লিক্সৰ সৈতে সহযোগিতা কৰিছে । গৌৰী খানে পুত্ৰ আৰিয়ান খানৰ প্ৰথম ছিৰিজ প্ৰযোজনা কৰিছে । যোৱা নিশা, শ্বাহৰুখ খান আৰু নেটফ্লিক্সে আৰিয়ান খানৰ প্ৰথম ছিৰিজ ঘোষণা কৰে । এতিয়া আৰিয়ান খানৰ প্ৰথম ছিৰিজৰ প্ৰতি কংগনা ৰনৌতৰ প্ৰতিক্ৰিয়া আহিছে ।
শ্বাহৰুখ খানে ঘোষণা কৰে পুত্ৰৰ ছিৰিজ
আৰিয়ান খানৰ ছিৰিজটোৰ নাম ঘোষণা কৰা হোৱা নাই । এই ছিৰিজটো ছবিজগতৰ পটভূমিৰ ওপৰত আধাৰিত । এই ছিৰিজটো সন্দৰ্ভত যোৱা সপ্তাহত লছ এঞ্জেলছত এটা অনুষ্ঠানো অনুষ্ঠিত হৈছিল । শ্বাহৰুখ খানে নিজৰ এক্স হেণ্ডেলত পুত্ৰ আৰিয়ান খানৰ আত্মপ্ৰকাশৰ ছিৰিজৰ কথা ঘোষণা কৰে । শ্বাহৰুখ খানে নিজৰ পোষ্টত লিখিছে, “ই অতি বিশেষ, যেতিয়া এটা বিশেষ কাহিনী দৰ্শকক দেখুওৱা হ’ব, আজি আৰু অধিক বিশেষ দিন যে ৰেড চিলিছে নেটফ্লিক্সত লৈ আহিছে আৰিয়ান খানৰ প্ৰথম ধাৰাবাহিক, ইয়াত এটা ডাঙৰ কাহিনী আছে, লগতে কোলাহল আৰু মহান দৃশ্য ইয়াত থাকিব, ইয়াৰ লগতে বহুত মনোৰঞ্জন আৰু আৱেগো থাকিব, আৰিয়ান, আগবাঢ়ি যাওক আৰু মানুহক মনোৰঞ্জন দিয়ক, আৰু মনত ৰাখিব, শ্ব’ বিজনেছৰ দৰে আন কোনো ব্যৱসায় নাই ।” উল্লেখ্য যে, ২০২৫ চনত ষ্ট্ৰীম হ’বলৈ গৈ আছে আৰিয়ান খানৰ ছিৰিজটো ।
It’s a special day when a new story is being presented for the audience. Today is even more special as @RedChilliesEnt and Aryan Khan embark on their journey to showcase their new series on @NetflixIndia . Here’s to untamed story telling….controlled chaos…gutsy scenes and lots… pic.twitter.com/8v0eBzRZ6S
— Shah Rukh Khan (@iamsrk) November 19, 2024
কংগনা ৰনৌতৰ প্ৰতিক্ৰিয়া
মন কৰিবলগীয়া কথাটো হ’ল যে অভিনেত্ৰী তথা ৰাজনীতিবিদ কংগনা ৰনৌতে আৰিয়ান খানৰ প্ৰথম ছিৰিজ ঘোষণাৰ ওপৰত প্ৰতিক্ৰিয়া ব্যক্ত কৰিছে । কংগনা ৰনৌতে তেওঁৰ ইনষ্টা ষ্টৰীত এটা পোষ্ট শ্বেয়াৰ কৰি এটা দীঘলীয়া টোকা লিখিছে, “এইটো এটা ডাঙৰ কথা যে ফিল্মী বেকগ্ৰাউণ্ডৰ পৰা অহা শিশুটোৱে অভিনয় নকৰাকৈ চলচ্চিত্ৰ পৰিচালনা বাছনি কৰিছে, তেওঁ মেকআপ, ওজন হ্ৰাস কৰাৰ সলনি ভাল কাম বাছনি কৰিছে, আমি ভাৰতীয় চলচ্চিত্ৰক অলপ উচ্চ মাত্ৰালৈ উঠাই নিব লাগিব, আমাক কেমেৰাৰ পিছফালে বহুতো লোকৰ প্ৰয়োজন, যিদৰে আৰিয়ান খানে কৰি আছে, লেখক আৰু চলচ্চিত্ৰ নিৰ্মাতা হ’বলৈ আগবাঢ়িছে ।”
লগতে পঢ়ক : প্ৰথম প্ৰজেক্টৰ বাবে পিতৃতকৈয়ো আগত ভাইজানৰ হে কাষ চাপিল নেকি আৰিয়ান ! - Aryan Khan first direction
