উদ্যোগপতিৰ দাবী; লণ্ডনত জন্ম হ’ব বিৰাট-অনুষ্কাৰ দ্বিতীয় সন্তান

Virat-Anushka Baby: বলীউডৰ অভিনেত্ৰী অনুষ্কা শৰ্মাই নিজৰ কথিত গৰ্ভধাৰণক লৈ অহৰহ বাতৰিৰ শিৰোনাম দখল কৰি আছে । ক্ৰিকেটাৰ বিৰাট কোহলী আৰু অনুষ্কা শৰ্মাই দ্বিতীয় সন্তানক আদৰিবলৈ ওলাইছে বুলি ধাৰাবাহিকভাৱে দাবী কৰা হৈছে । কিন্তু এতিয়ালৈকে দুয়োজনে এই সন্দৰ্ভত মৌনতা বজাই ৰাখিছে । এতিয়া এজন উদ্যোগপতিয়ে দাবী উত্থাপন কৰিছে য’ত তেওঁ কৈছে যে অনুষ্কা শৰ্মা কেৱল গৰ্ভৱতী হোৱাই নহয় লণ্ডনত আৰু কিছুদিন পাছত প্ৰসৱো হ’ব । অৱশ্যে এইবোৰ কথা কিমানদূৰ সত্য সম্পূৰ্ণ প্ৰতিবেদনৰ জৰিয়তে জানো আহক...

আজিকালি বলীউডৰ অভিনেত্ৰী অনুষ্কা শৰ্মাৰ দ্বিতীয় গৰ্ভধাৰণক লৈ অহৰহ নেটিজেনৰ মাজত চৰ্চা অব্যাহত আছে ৷ যদিও এইবোৰ বিষয়ত বিৰাট কোহলী আৰু অনুষ্কা শৰ্মাই মৌনতা অৱলম্বন কৰিছে যদিও অনুষ্কা শৰ্মা এইকেইদিন গৰ্ভৱতী হোৱা আৰু দ্বিতীয় সন্তানক আদৰিবলৈ লোৱাৰ খবৰ অহৰহ আহি আছে ৷ উল্লেখ্য যে, অনুষ্কা শৰ্মা আৰু বিৰাট কোহলীৰ সম্প্ৰতি এগৰাকী কন্যা সন্তান আছে যাৰ নাম বামিকা ৷ সম্প্ৰতি এগৰাকী উদ্যোগপতি কৰা এক দাবীয়ে যেন এতিয়া সামাজিক মাধ্যমত এক আলোড়নৰ সৃষ্টি কৰিছে ৷

উদ্যোগপতি বিৰাট-অনুষ্কাৰ সন্দৰ্ভত দাবী কৰিছে যে, অনুষ্কা অতি সোনকালে আন এটি সন্তানৰ মাতৃ হ’বলৈ গৈ আছে ৷ তেওঁলোকৰ সন্তানটো লণ্ডনৰ এখন চিকিৎসালয়ত জন্ম ল’ব পাৰে ৷ বৰ্তমান দম্পতীটোৰ সন্দৰ্ভত কি কি আপডেট আহিছে জানো আহক-

হয়, উদ্যোগপতি হৰ্ষ গোৱেংকাই সামাজিক মাধ্যম এক্সৰ জৰিয়তে এটি পোষ্ট শ্বেয়াৰ কৰে ৷ এই পোষ্টটোত অনুষ্কা-বিৰাটৰ নাম নিলিখাকৈ তেওঁ দাবী কৰে যে, তেওঁলোকে অতি সোনকালে দ্বিতীয় সন্তানক আদৰিবলৈ ওলাইছে ৷ অভিনেত্ৰীগৰাকীৰ ডেলিভাৰী ভাৰতত নহয় লণ্ডনত হ’ব পাৰে বুলি তেওঁ উমান দিয়ে ৷ লগতে অভিনেত্ৰীগৰাকীৰ প্ৰসৱৰ আশা কৰা সময়ো তেওঁ জানিবলৈ দিয়ে ৷

উদ্যোগপতিৰ দাবী, অনুষ্কাৰ ডেলিভাৰী লণ্ডনত হ’ব

উদ্যোগপতি হৰ্ষ গোৱেংকাৰ টুইটত লিখা আছে, ‘মাত্ৰ কেইদিনমানৰ ভিতৰতে এটি নতুন কণমানি আহি আছে । প্ৰশ্ন হয় এতিয়া তেওঁ ক্ৰিকেটাৰ পিতৃৰ দৰে দেশখনক এক নতুন উচ্চতালৈ লৈ যাব নে তেওঁ নিজৰ চলচ্চিত্ৰ তাৰকা মাতৃৰ পদাংক অনুসৰণ কৰিব । #Made in India #To be born in London'

এতিয়াও একো নিশ্চিত হোৱা নাই

এতিয়া যদিও উদ্যোগপতিগৰাকীয়ে হয়তো এই পোষ্টটোত বিৰাট কোহলী আৰু অনুষ্কাৰ নাম উল্লেখ কৰা নাই, কিন্তু ক্ৰিকেটাৰ আৰু চলচ্চিত্ৰ তাৰকাগৰাকীৰ নাম উল্লেখ কৰি তেওঁ কাৰ কথা কৈছে তাৰ স্পষ্ট ইংগিত দিছে ৷ অৱশ্যে অনুষ্কা শৰ্মা আৰু বিৰাট কোহলীৰ সৈতে জড়িত এই খবৰ সন্দৰ্ভত এতিয়াও কোনো আনুষ্ঠানিক বিবৃতি ওলোৱা নাই ৷ এনে পৰিস্থিতিত ‘ইটিভি ভাৰতেও’ এই খবৰ নিশ্চিত নকৰে ৷

অনুষ্কা গৰ্ভৱতী বুলি কেতিয়া গম পালে ?

উল্লেখ্য ২০২৩ চনৰ অক্টোবৰ মাহত সংবাদ মাধ্যমৰ এটি প্ৰতিবেদনত অনুষ্কা শৰ্মা গৰ্ভৱতী বুলি দাবী কৰা হৈছিল ৷ অতি শীঘ্ৰে তেওঁ হয়তো আন এটি সন্তান জন্ম দিব বুলি বাতৰিটোত উল্লেখ কৰা হয় ৷ তেতিয়াৰ পৰা অনুষ্কাক লৈ বিভিন্ন ধৰণৰ খবৰ ধাৰাবাহিকভাৱে ওলাই আহিছে ৷

এ বি ডি ভিলিয়াৰ্ছেও এই কথা নিশ্চিত কৰিছিল

কিছুদিন পূৰ্বে ক্ৰিকেটাৰ এ বি ডি ভিলিয়াৰ্ছেও ইউটিউব চেনেলত দিয়া এটি সাক্ষাৎকাৰত এই কথাত সন্মতি দিছিল যে কোহলী পৰিয়ালত এজন সৰু অতিথিক আদৰণি জনোৱা হ’ব বুলি উল্লেখ কৰিছিল যদিও কিছুদিনপূৰ্বে ডি ভিলিয়াৰ্ছে কৰা এই দাবী ভুল বুলিও উল্লেখ কৰিছে ।

তেওঁ কয়,‘‘বিৰাট আৰু অনুষ্কাই দ্বিতীয় সন্তানৰ আশা কৰা খবৰ সঁচা নহয় । প্ৰথমে পৰিয়াল আৰু তাৰ পিচত ক্ৰিকেট । মোৰ ইউটিউব চেনেলত মই এটা ডাঙৰ ভুল কৰিলোঁ । সেই তথ্য ভুল আছিল আৰু একেবাৰে সঁচা নাছিল । মই ভাবো বিৰাটৰ পৰিয়ালৰ বাবে যি ভাল, সেইটোৱেই প্ৰথম । বাহিৰত কি হৈছে কোনেও নাজানে, মই মাত্ৰ সেইটোৱেই কৰিব পাৰো । তেখেতৰ সুস্বাস্থ্য কামনা কৰিলোঁ । তেওঁৰ বিৰতিৰ কাৰণ যিয়েই নহওক কিয়, আশাকৰোঁ তেওঁ শক্তিশালী, ভাল আৰু সতেজ হৈ ঘূৰি আহিব ।’’

সেয়া যি কি নহওক কিয় বহুতৰে মুখত অনুষ্কা-বিৰাটৰ সন্তানক লৈ বিভিন্ন চৰ্চা চলিছে ৷ কিন্তু এই কথা কিমানদূৰ সত্য সেই বিষয়ে জানিবলৈও এতিয়া সকলোৱে অপেক্ষা কৰিছে বিৰাট-অনুষ্কা উত্তৰৰ বাবে ৷

লগতে পঢ়ক: প্ৰথমে অনুষ্কাৰ গৰ্ভধাৰণৰ কথা ঘোষণা, এতিয়া এবি ডি ভিলিয়াৰ্ছে নাকচ কৰিলে নিজৰ কথা