চিটাৰা ডেস্ক, 27 মে’ : অভিনেত্ৰী শ্বেহনাজ গীল তেওঁৰ পেছাদাৰী জীৱনতকৈ তেওঁৰ ব্যক্তিগত জীৱনৰ বাবেহে অধিক আলোচনাত থাকে । শেহতীয়াকৈ, তেওঁ আৰু গুৰু ৰন্ধাৱাৰ মাজত প্ৰেমৰ বাতৰিয়ে গতি লাভ কৰিছে । দুয়োজনে অলপতে মুনৰাইজ এলবামত একেলগে কাম কৰিছিল । তেতিয়াৰ পৰাই শ্বেহনাজ আৰু গুৰু ৰন্ধাৱাৰ মাজত প্ৰেমৰ সম্পৰ্ক থকা বুলি চৰ্চা হৈ আহিছে ৷
মুনৰাইজৰ পিচতে শ্বেহনাজ-গুৰুৰ প্ৰেম
গায়ক-সংগীতশিল্পী গুৰু ৰন্ধাৱা আৰু অভিনেত্ৰী শ্বেহনাজ গীল এবছৰৰো অধিক সময় ধৰি শিৰোনামৰ কেন্দ্ৰবিন্দু হৈ আছে । উৰাবাতৰি আছে যে দুয়োজনে ইজনে সিজনক ডেট কৰি আছে ৷ বিশেষকৈ তেওঁৰ সংগীত ভিডিঅ' 'মুনৰাইজ'ৰ পিচৰ পৰা এই বাতৰি বিয়পি পৰে । শেহতীয়া এক সাক্ষাৎকাৰত, গুৰুৱে উৰাবাতৰিবোৰৰ ওপৰত প্ৰতিক্ৰিয়া প্ৰকাশ কৰে । তেওঁ কয়, "যেতিয়া মানুহে মোৰ ডেটিং জীৱনৰ বিষয়ে কথা পাতে তেতিয়া মই ভাল পাওঁ । পৃথিৱীখনত বহুত ধুনীয়া ছোৱালী আছে, তেওঁলোকৰ পৰা এই বিষয়ে শুনি মই ভাল পাওঁ । প্ৰতিজন ল’ৰাই কৰবাত নহয় কৰবাত এইটো বিচাৰে ।"
গুৰু ৰন্ধাৱাৰ প্ৰতিক্ৰিয়া
সাক্ষাৎকাৰৰ সময়ত, গুৰুৱে শ্বেহনাজৰ সৈতে তেওঁৰ সম্পৰ্কৰ উৰাবাতৰি অস্বীকাৰো নকৰিলে বা ইয়াৰ বিষয়ে কোনো নিশ্চিত উত্তৰো নিদিলে । তেওঁ ধেমেলীয়াকৈ ক'লে, ‘মই বিচাৰো যে মানুহে মোৰ বাবে এনে কৰি থাকক । মোৰ প্ৰেম জীৱনৰ বিষয়ে কথা পাতি থাকক, যদিও মই এই মুহূৰ্তত কাকো ডেট কৰা নাই, সোনকালেই মই কোনোবা দিনা ডেটিং আৰম্ভ কৰিব পাৰো ।’
শ্বেহনাজ গীলক বহু তাৰকাযুক্ত 'থ্যাংক ইউ ফৰ কামিঙ'ত দেখা গৈছিল । চলচ্চিত্ৰখনত ভূমি পেডনেকাৰ, কুশা কপিলা, ডলী সিং, সুশান্ত দিভগিকাৰ, শিবানী বেদী আৰু কৰণ কুন্দ্ৰা আদি আছিল । আনহাতে, গুৰু ৰন্ধাৱাই অলপতে সাই মঞ্জৰেকাৰৰ বিপৰীতে 'কুছ খাট্টা হো জায়ে' বোলছবিৰ জৰিয়তে অভিনয়ৰ আৰম্ভণি কৰে ।
