চিটাৰা ডেস্ক, 25 জুন: বলীউডৰ অভিনেতা তথা ৱেব-ছিৰিজৰ সম্ৰাট জয়দীপ আহলাৱতৰ শেহতীয়াকৈ মুক্তি পোৱা ছবি মহাৰাজে এইকেইদিন বাতৰিৰ শিৰোনাম দখল কৰিছে ৷ আমিৰ খানৰ পুত্ৰ জুনেইদ খানে মহাৰাজ ছবিৰ দ্বাৰা বলীউডত নিজৰ অভিষেক ঘটাইছে ৷
শেহতীয়াকৈ নেটফ্লিক্সত মুক্তি লাভ কৰিছে ছবিখনে ৷ জয়দীপ আহলাৱতক এই ছবিখনত এগৰাকী ধৰ্মীয় গুৰুৰ চৰিত্ৰত দেখা গৈছে ৷ জয়দীপে এই ভূমিকা ৰূপায়ণ কৰিবলৈ শাৰীৰিক ৰূপান্তৰ কৰা দেখা গৈছে ৷
৫ মাহ ধৰি একেৰাহে ৱৰ্কআউট
ছ’চিয়েল মিডিয়াত জয়দীপে নিজেই শাৰীৰিক ৰূপান্তৰৰ এক আচৰিত আভাস অনুৰাগীসকলক দেখুৱাইছে ৷ অভিনেতাগৰাকীয়ে নিজৰ পোষ্টত জনাইছে যে, মাত্ৰ ৫ মাহতে জিমত ৱৰ্ক আউটৰ ফলত ২৬ কেজিতকৈ অধিক ওজন কমিছে ৷ জয়দীপে তেওঁৰ শাৰীৰিক ৰূপান্তৰৰ ছবিও শ্বেয়াৰ কৰিছে, য’ত এখন ছবিত তেওঁৰ পেটটো ওলাই আছে আৰু আনখন ছবিত তেওঁৰ ছিক্স পেক এব্ছৰ সৈতে দেখা গৈছে ৷
২৬ কিলোগ্ৰাম ওজন হ্ৰাস
এতিয়া জয়দীপ আহলাৱতৰ শৰীৰৰ এই ৰূপান্তৰৰ পিচত সামাজিক মাধ্যমত লাইকৰ বৰষুণ হ’বলৈ ধৰিছে ৷ উল্লেখ্য যে, মহাৰাজ ছবিখনত তেওঁ পূজাৰীৰ চৰিত্ৰত অভিনয় কৰিবলৈ যথেষ্ট কষ্ট কৰাটো পৰিলক্ষিত হৈছে ৷
অভিনেতাগৰাকীয়ে জনাইছে যে, তেওঁৰ শৰীৰৰ ওজন আছিল ১০৯.৭ কিলোগ্ৰাম আৰু ৱৰ্ক আউটৰ পিচত ই ৮৩ কিলোগ্ৰাম হয়গৈ ৷ অভিনেতাগৰাকীয়ে কেপচনত লিখিছে, ‘পাঁচ মাহত ১০৯.৭ কেজিৰ পৰা ৮৩ কেজিলৈ ৷ মহাৰাজৰ ভূমিকাৰ বাবেই এই এক শাৰীৰিক ৰূপান্তৰ ৷ ধন্যবাদ প্ৰজ্বল ছাৰ, মোক বিশ্বাস কৰাৰ বাবে’ ৷
আনহাতে জয়দীপৰ ট্ৰেন্সফৰ্মেচন কোচ প্ৰজ্বলে নিজেই নিজৰ ইনষ্টাগ্ৰামত এটা ভিডিঅ’ শ্বেয়াৰ কৰিছে, য’ত জয়দীপে দাম্বল দাঙি থকা দেখা গৈছে ৷
অনুৰাগীৰ লগতে চেলিব্ৰিটিসকলো স্তম্ভিত
এতিয়া জয়দীপৰ এই কঠোৰ পৰিশ্ৰমৰ ওপৰত তেওঁৰ অনুৰাগী আৰু বলীউডৰ চেলিব্ৰিটিৰ প্ৰতিক্ৰিয়া আহিব ধৰিছে ৷ এজন ব্যৱহাৰকাৰীয়ে লিখিছে, ছালাম আপোনাক ৷ আন এজন অনুৰাগীয়ে লিখিছে, ‘অসম্ভৱ..অসম্ভৱ’ ৷
আন এজন ব্যৱহাৰকাৰীয়ে লিখিছে যে এতিয়া ছবিৰ খলনায়কৰ লগতে মুখ্য অভিনেতাৰ বাবেও এই কাম কৰাটো বাধ্যতামূলক হৈ পৰিছে ৷ আনহাতে, অভিনেত্ৰী ৰিচা চাড্ডাই লিখিছে, কল্পনাতীত ৷
জয়দীপৰ অভিনেতা ৱৰ্ক ফ্ৰণ্টৰ কথা ক’বলৈ গ’লে জয়দীপে জানে জান, পাতাল লোক, ব্লাডি ব্রাদাৰ্ছ, দ্য ব্ৰকেন নিউজ, বাৰ্ড অৱ ব্লাডৰ দৰে ৱেব ছিৰিজত নিজৰ আচৰিত প্ৰদৰ্শনৰ বাবে পৰিচিত ৷
লগতে পঢ়ক: An Action Hero trailer: আয়ুষ্মান খুৰানা, জয়দীপ আহলাৱতে এক্সনৰ মাজেৰেই হহুৱাইছে দৰ্শকক
