প্ৰয়াত ৰামোজী ৰাওক শ্ৰদ্ধাঞ্জলি অৰ্পণ তেলেংগানাৰ মুখ্যমন্ত্ৰী-ত্ৰিপুৰাৰ ৰাজ্যপালৰ - RAMOJI RAO PASSES AWAY

Ramoji Rao Passes away: ৰামোজী ৰাওৰ ফিল্ম চিটীস্থিত বাসগৃহত মঙলবাৰে উপস্থিত হয় তেলেংগানাৰ মুখ্যমন্ত্ৰী ৰেবন্ত ৰেড্ডী আৰু ত্ৰিপুৰাৰ ৰাজ্যপাল নল্লু ইন্দ্ৰসেনা ৰেড্ডী ৷ তেওঁলোকে ৰাওৰ প্ৰতিকৃতিত শ্ৰদ্ধাঞ্জলি জনাই শোকসন্তপ্ত পৰিয়ালক সমবেদনা জনায় ৷

নেশ্যনেল ডেস্ক, ১২ জুন: ৰামোজী গ্ৰুপৰ মুৰব্বী প্ৰয়াত ৰামোজী ৰাওক তেলেংগানাৰ মুখ্যমন্ত্ৰী ৰেবন্ত ৰেড্ডীয়ে শ্ৰদ্ধাঞ্জলি জ্ঞাপন কৰে । মুখ্যমন্ত্ৰী ৰেবন্ত ৰেড্ডীয়ে মঙলবাৰে সন্ধিয়া মন্ত্ৰী তুম্মালা নাগেশ্বৰ ৰাও আৰু সাংসদ চামালা কিৰণ কুমাৰ ৰেড্ডীৰ সৈতে ৰামোজী ফিল্ম চিটীস্থিত ৰামোজী ৰাওৰ বাসগৃহত উপস্থিত হয় ৷ তেওঁলোকে ৰামোজী ৰাওৰ বাসগৃহত তেওঁৰ প্ৰতিকৃতিত শ্ৰদ্ধাঞ্জলি জনায় ।

লগতে পঢ়ক: অন্তিম শয়নত ৰামোজী গ্ৰুপৰ প্ৰতিষ্ঠাতা ৰামোজী ৰাও: শোকসন্তপ্ত তেলেংগানা - Ramoji Rao passes away in hyderabad

ৰামোজী ৰাওক শ্ৰদ্ধাঞ্জলি জ্ঞাপনৰ পাচত তেওঁলোকে ঈনাডুৰ পৰিচালন সঞ্চালক কিৰণ, মাৰ্গদৰ্শীৰ পৰিচালন সঞ্চালক শৈলাজা কিৰণ, ৰামোজী ফিল্ম চিটীৰ পৰিচালন সঞ্চালক বিজয়েশ্বৰীৰ লগতে পৰিয়ালৰ অন্যান্য সদস্যৰ সৈতে বিশেষ বৈঠকত মিলিত হয় ।

ৰেৱন্ত ৰেড্ডীয়ে কয় যে, ৰামোজী ৰাওৰ ক্ষতি কোনেও পূৰণ কৰিব নোৱাৰে ৷ তেওঁ ৰামোজী গ্ৰুপৰ প্ৰয়াত মুৰব্বীগৰাকীৰ পৰিয়ালৰ লোকক এনে পৰিস্থিতিত অধিক সাহস গোটাই হৃদয় সবল কৰি ৰাখিবলৈ কামনা কৰে ।