নতুন দিল্লী : বুধবাৰে অন্ধ্ৰপ্ৰদেশৰ তিৰুপতিৰ বিষ্ণু নিৱাসমৰ ওচৰত সংঘটিত এক শোকাৱহ পদপিষ্টৰ ঘটনাত প্ৰাণ হেৰুওৱা ব্যক্তিসকলৰ মৃত্যুত গভীৰ শোক প্ৰকাশ কৰিছে প্ৰধানমন্ত্ৰী নৰেন্দ্ৰ মোদীয়ে ।
প্ৰধানমন্ত্ৰী মোদীয়ে কয় যে ৰাজ্য চৰকাৰে ঘটনাটোৰ ভুক্তভোগীসকলক সম্ভৱপৰ সকলো সহায় আগবঢ়াই আছে । X ৰ এটা পোষ্টত প্ৰধানমন্ত্ৰীৰ কাৰ্যালয়ে লিখিছে,
"অন্ধ্ৰপ্ৰদেশৰ তিৰুপতিত হোৱা পদপিষ্টৰ ঘটনাত দুখ পাইছো । যিসকলে তেওঁলোকৰ আত্মীয় লোকসকলক হেৰুৱাইছে তেওঁলোকৰ প্ৰতি মোৰ সমবেদনা । মই প্ৰাৰ্থনা কৰো যে আঘাতপ্ৰাপ্তসকল সোনকালে আৰোগ্য হওক । অন্ধ্ৰপ্ৰদেশ চৰকাৰে ক্ষতিগ্ৰস্ত লোকসকলক সম্ভৱপৰ সকলো সহায় আগবঢ়াইছে ।"
Pained by the stampede in Tirupati, Andhra Pradesh. My thoughts are with those who have lost their near and dear ones. I pray that the injured recover soon. The AP Government is providing all possible assistance to those affected: PM @narendramodi
— PMO India (@PMOIndia) January 8, 2025
আনহাতে, কেন্দ্ৰীয় গৃহমন্ত্ৰী অমিত শ্বাহেও এই ঘটনাত শোক প্ৰকাশ কৰিছে । লগতে তিৰুপতিৰ পদপিষ্টৰ ঘটনাত প্ৰাণ হেৰুওৱা লোকসকলৰ পৰিয়াললৈ সমবেদনা জ্ঞাপন কৰে । অমিত শ্বাহে আহতসকলৰ দ্ৰুত আৰোগ্যৰ বাবেও প্ৰাৰ্থনা কৰে ।
Pained by the unfortunate incident of the stampede in the Tirupati temple. My sincerest condolences to the families of the deceased. May the injured recover at the earliest.
— Amit Shah (@AmitShah) January 8, 2025
తిరుపతి విష్ణు నివాసం టికెట్ల కౌంటర్ వద్ద జరిగిన తొక్కిసలాట సంఘటన విషయం నన్ను తీవ్ర దిగ్భ్రాంతికి గురి…
‘‘তিৰুপতি মন্দিৰত সংঘটিত দুৰ্ভাগ্যজনক ঘটনাত দুখ পাইছো । মৃতকৰ পৰিয়াললৈ মোৰ আন্তৰিক সমবেদনা । আঘাতপ্ৰাপ্তসকল অতি সোনকালে আৰোগ্য হওক । তিৰুপতি বিষ্ণু নিৱাসমৰ টিকট কাউণ্টাৰত সংঘটিত পদপিষ্টৰ ঘটনাত মই গভীৰভাৱে হতবাক হৈছো । এই দুৰ্ভাগ্যজনক ঘটনাটোত প্ৰাণ হেৰুওৱা ভক্তসকলৰ আত্মাৰ বাবে মই প্ৰাৰ্থনা জনাইছো । মই আঘাতপ্ৰাপ্তসকলৰ আশু আৰোগ্য কামনা কৰিছোঁ ।"
অমিত শ্বাহে X পোষ্টত কয় ।
উল্লেখ্য যে তিৰুমালা তিৰুপতি দেৱস্থানমৰ (টি টি ডি) বিষয়াসকলে জনোৱা অনুসৰি, বুধবাৰে সন্ধিয়া অন্ধ্ৰপ্ৰদেশৰ তিৰুপতিৰ বিষ্ণু নিৱাসমৰ ওচৰত সংঘটিত পদপিষ্টৰ ঘটনাত প্ৰায় ছয়জন লোকে প্ৰাণ হেৰুৱায় আৰু আন কেইবাজনো লোক আহত হয় । ঘটনাটো তিৰুমালা শ্ৰীবাৰী বৈকুণ্ঠ দ্বাৰ টিকট কাউণ্টাৰৰ ওচৰৰ বিষ্ণু নিৱাসমৰ ওচৰত সংঘটিত হৈছিল । মন্দিৰ দৰ্শনৰ টোকেন বিতৰণৰ সময়ত এই দুৰ্ভাগ্যজনক ঘটনাটো সংঘটিত হয় ।
টি টি ডিৰ অধ্যক্ষ বি আৰ নাইডুৰ কাৰ্যালয়ৰ বিবৃতি অনুসৰি, অন্ধ্ৰপ্ৰদেশৰ মুখ্যমন্ত্ৰী এন চন্দ্ৰবাবু নাইডুৱে ঘটনাটো গভীৰভাৱে নিৰীক্ষণ কৰি আছে আৰু বৃহস্পতিবাৰে পুৱা পদপিষ্টত নিহতসকলৰ পৰিয়ালক সাক্ষাৎ কৰিব ।
తిరుమల శ్రీవారి వైకుంఠ ద్వార దర్శనం టోకెన్ల కోసం తిరుపతిలోని విష్ణు నివాసం దగ్గర జరిగిన తోపులాటలో పలువురు భక్తులు మృతి చెందడం దిగ్భ్రాంతిని కలిగించింది. టోకెన్ల కోసం భక్తులు పెద్ద ఎత్తున తరలివచ్చిన సందర్భంలో చోటుచేసుకున్న ఈ విషాదకర ఘటన నన్ను తీవ్రంగా కలిచివేసింది. మరి కొందరి…
— N Chandrababu Naidu (@ncbn) January 8, 2025
বিবৃতিটোত কোৱা হৈছে, "এইটো এটা দুৰ্ভাগ্যজনক ঘটনা, 6 জন তীৰ্থযাত্ৰীয়ে প্ৰাণ হেৰুৱাইছে । এতিয়ালৈকে কেৱল এজন তীৰ্থযাত্ৰীক চিনাক্ত কৰা হৈছে । আনহাতে, আনসকলক এতিয়াও চিনাক্তকৰণ কৰা হোৱা নাই । মুখ্যমন্ত্ৰী এন চন্দ্ৰবাবু নাইডু ঘটনাটোক লৈ অতি উদ্বিগ্ন । লগতে এক টেলি-কনফাৰেন্সৰ সময়ত বিষয়াসকলৰ পৰিচালনা পদ্ধতিৰ প্ৰতি অসন্তুষ্টি প্ৰকাশ কৰিছে । মুখ্যমন্ত্ৰীয়ে কাইলৈ পুৱা ১১.৪৫ বজাত মৃতকৰ পৰিয়ালক সাক্ষাৎ কৰিব । মুখ্যমন্ত্ৰীয়ে সতৰ্ক কৰি দিছে যে এনে ঘটনাৰ যেন পুনৰাবৃত্তি নহয় । লগতে বিষয়টোৰ শেহতীয়া স্থিতিৰ ওপৰত তেওঁ অবিৰত নিৰীক্ষণ কৰি আছে ।"
The tragic stampede in Tirupati is deeply saddening.
— Rahul Gandhi (@RahulGandhi) January 8, 2025
My heartfelt condolences to the bereaved families. Wishing a swift recovery to all those injured.
I urge Congress leaders and workers to provide all possible assistance during this difficult time.
ইফালে এই দুৰ্ঘটনাত শোক প্ৰাকশ কৰিছে ৰাহুল গান্ধীয়ে ৷ কংগ্ৰেছৰ নেতা-কৰ্মীসকলক এই জটিল সময়ত সকলো ধৰণৰ সাহায্য আগবঢ়াবলৈ তেওঁ আহ্বান জনায় । X ৰ এটা পোষ্টত ৰাহুল গান্ধীয়ে লিখিছে, ‘‘তিৰুপতীত হোৱা কৰুণ ঘটনা সঁচায়ে দুখজনক । শোকসন্তপ্ত পৰিয়ালবৰ্গলৈ মোৰ আন্তৰিক সমবেদনা জ্ঞাপন কৰি আহত সকলোকে আৰোগ্য কামনা কৰিছো ৷ এই কঠিন সময়ত সম্ভৱপৰ সহায় আগবঢ়াবলৈ কংগ্ৰেছ নেতাসকলৰ লগতে সকলোকে আহ্বান জনাইছো ।"
