নেশ্যনেল ডেস্ক, 8 মে’ : বন্যহস্তীৰ আক্ৰমণত নিহত নিউজ চেনেলৰ কেমেৰামেন ৷ কেৰালাত সংঘটিত হৈছে এই চাঞ্চল্যকৰ ঘটনা ৷ দৃশ্যগ্ৰহণৰ সময়ত সংঘটিত হয় এই শোকাৱহ ঘটনা ৷
জানিব পৰা মতে শোকাৱহ ঘটনাত, বুধবাৰে পুৱা বনৰীয়া হাতীৰ আক্ৰমণত এটা মালায়ালম নিউজ চেনেলৰ কেমেৰামেন এ ভি মুকেশ (34) নিহত হয় ৷ কেৰালাৰ পালাক্কাডৰ কোট্টেকাডত বনৰীয়া হাতীৰ দৃশ্যগ্ৰহণ কৰি থকাৰ সময়ত এই শোকাৱহ দুৰ্ঘটনাটো সংঘটিত হয় ৷ উল্লেখ্য যে, ঘটনা সংঘটিত হোৱা এই স্থান বন্য জন্তুৰ আক্ৰমণৰ বাবে জনাজাত ৷
তেওঁ নদী পাৰ হৈ যোৱা বনৰীয়া হাতীৰ দৃশ্যগ্ৰহণ কৰি আছিল ৷ কিন্তু হঠাতে এটা হাতী তেওঁৰ ফালে ঘূৰি আক্ৰমণ কৰিবলৈ খেদি আহে ৷ কেমেৰামেনজন পলাই যাবলৈ চেষ্টা কৰোঁতেই পৰি যায় আৰু বনৰীয়া হাতীটোৱে 34 বছৰীয়া যুৱকজনক আক্ৰমণ কৰি গুৰুতৰভাৱে আহত কৰে ৷ লগে লগে তেওঁক পালাক্কাড জিলা চিকিৎসালয়লৈ লৈ যোৱা হয়, কিন্তু গুৰুতৰভাৱে আঘাতপ্ৰাপ্ত এ ভি মুকেশে চিকিৎসালয়ত মৃত্যুবৰণ কৰে ৷
ইফালে কেমেৰামনজনৰ সৈতে থকা ৰিপ’ৰ্টাৰ আৰু গাড়ীচালকজনে এই আক্ৰমণৰ পৰা পলাই সাৰিবলৈ সক্ষম হয় ৷ মুকেশ আছিল মালাপ্পুৰম পৰপ্পানংগাদী চেট্টিপ্পাদিৰ স্থানীয় উন্নী আৰু দেৱীৰ পুত্ৰ ৷ মৃত্যুৰ সময়ত তেওঁ পত্নী তিছাক এৰি থৈ যায় ৷ তেওঁৰ নশ্বৰদেহ পলাক্কাড জিলা চিকিৎসালয়ৰ শৱগৃহত ৰখা হৈছে ৷
দিল্লী ব্যুৰোত দীৰ্ঘদিন ধৰি কাৰ্যনিৰ্বাহ কৰাৰ পিচত তেওঁ কেৰালালৈ উভতি আহি যোৱা বছৰ পলাক্কাড ব্যুৰোত যোগদান কৰিছিল ৷ তেওঁ ‘ছাৰভাইভেল’ নামৰ স্তম্ভটোত এশৰো অধিক প্ৰবন্ধ প্ৰকাশ কৰিছিল যিয়ে প্ৰান্তীয় লোকসকলক কৰিছিল ৷
লগতে পঢ়ক : ধাৰলৈ দিয়া টকা বিচৰাৰ বাবেই সংঘটিত হত্যাকাণ্ড : ঘাতক ভাতৃক গ্ৰেপ্তাৰ - Brother Killed Sister
