بس ڈرائیور نے 11 مویشی روند ڈالے، 9 ہلاک، ڈرائیور فرار

درگ: پیر کی رات درگ میں شیو ناتھ ندی کے پل پر بیٹھے 11 مویشی ایک بس کی زد میں آ گئے۔ اس واقعے میں 9 مویشی موقع پر ہی دم توڑ گئے جب کہ دو کی حالت تشویشناک بتائی جاتی ہے۔ واقعے کے بعد بس ڈرائیور موقع سے فرار ہوگیا۔ درگ سٹی کے اے ایس پی ابھیشیک جھا نے کہا ہے کہ پولیس نے سی سی ٹی وی فوٹیج کی بنیاد پر بس ڈرائیور کی شناخت کر لی ہے۔ پولیس ٹیم اس کی گرفتاری کے لیے بلاس پور گئی ہے۔ ملزم کو بہت جلد گرفتار کر لیا جائے گا۔