گیا:محکمۂ تعلیم کے ڈی پی او اصغر عالم خان کو معطل کردیا گیا۔ اصغر عالم خان ضلع ایجوکیشن دفتر میں واقع پلاننگ اینڈ اکاؤنٹس ڈیویزن کے انچارج تھے۔ محکمہ نے منصوبوں اور اکاؤنٹس کا جائزہ لینے کے بعد ہدایت جاری کی ہے۔ ان پر الزام ہے کہ سی ایف ایم ایس کے ذریعہ دستیاب 22.88 کروڑ روپے کی رقم میں صرف 158 کروڑ روپیے خرچ کرنے، فرنیچر خریدنے اور انفراسٹرکچر کی خریداری کے لیے دستیاب کرائی گئی رقم تسلی بخش نہیں ہے۔ ساتھ ہی ان پر الزام ہے کہ پیشگی اجازت کے بغیر ہی وہ ہیڈ کوارٹر سے غائب ہوتے تھے۔
یہ بھی پڑھیں:
الہ آباد ہائی کورٹ نے یوپی بورڈ آف مدرسہ ایجوکیشن ایکٹ 2004 کو غیرآئینی قرار دیا - up madarsa board
ڈائریکٹر ایڈمنسٹریشن اور ایڈیشنل سکریٹری سبودھ کمار چودھری کی جانب سے اس حوالہ سے ہدایت جاری کی گئی تھی حالانکہ اصغر عالم خان کا کہنا ہے کہ ان پر لگے سارے الزامات بے بنیاد ہیں اور وہ اس حوالہ سے اعلیٰ حکام تک اپنی بات پہنچائیں گے۔ ہوسکتا ہے کہ ان کے خلاف کارروائی کے پیچھے تعلیم مافیاؤں کی ساز باز ہو۔ لیکن انہیں امید ہے کہ محکمہ جانچ کرکے انہیں بے قصور ہونے کے ثبوتوں پر مہر ثبت کرے گا۔ وہیں ان کی جگہ پر ان کے دفتر اور امور کا چارج ضلع ڈسٹرکٹ ایجوکیشن افسر کو سونپا گیا ہے۔ وہیں اس معاملہ پر ضلع محکمۂ تعلیم نے کچھ بولنے سے انکار کردیا ہے۔
